Müəllif:Gülbəniz Hüseynli/Banco.az
“TCMB-nin son İnflyasiya Hesabatında may ayının sonuna qədər inflyasiyanın 73 faizə çatacağı bildirilir. 2024-cü ilin iyun ayında faiz artımlarının bir ili tamam olacaq. Başqa sözlə, Türkiyədə bu dövrdə inflyasiya da 39,59 faizdən 73 faizə yüksələcək”.
.jpg)
Bu fikirləri Banco.az-a açıqlamasında analitik, iqtisaçı Ərsin Dədəqoca deyib.
İqtisadçı bildirib ki, Türkiyədə faizlərin bu qədər artmasına baxmayaraq, inflyasiyanın 23 bənddən çox artmasının səbəbi “əlaqələrin kəsilməsi” kimi şərh edilib.
“TCMB-nin yeni rəhbərliyi hədəf kimi 2026-cı ilin sonunu, yəni üç il sonrasını göstərir. Məsələ ilə bağlı hər kəs may ayından sonra illik inflyasiyanın azalmasının “baza effekti” ilə bağlı olacağını proqnozlaşdırır. İlin sonunda TCMB-nin 36 faiz hədəfinə çatmaq çox çətin görünür. Fikrimizcə, bu nisbət 45/50 faiz civarında olacaq. Yəni faiz dərəcələrinin bu qədər artırılmasına baxmayaraq, inflyasiyanın faiz artımının başladığı səviyyədə və ya ona yaxın olacağı ehtimalı var”.
Ərsin Dədəkoca qeyd edib ki, enerji satış qiymətlərində artımlar olacağı istisna deyil. Çünki bu artımlar inflyasiyanı artıracaq və sonradan pensiyalar və maaşlar inflyasiya ilə mübarizə aparmaq üçün sıxışdırılacaq. “Bunlara “fiskal siyasətlə dəstəklənməyən pul siyasəti uğurlu ola bilməz” iddiasını da əlavə etməklə, büdcə ödənişlərinin maliyyələşdirilməsi üçün vergilərin əhəmiyyətli dərəcədə artırılması nəzərdə tutulur.Nəticədə davamlı inflyasiya və tənəzzülün birlikdə yaşana bilər. Buna da "staqflyasiya" deyilir”.
Bizi sosial şəbəkələrdən izləyin!!
