Azərbaycan qazının Türkiyəyə və buradan Avropaya nəqli üçün inşa olunan Trans-Anadolu Təbii Qaz Boru Kəmərinin (TANAP) tikintisi üçün torpaq sahələrinin əhalidən alınmasına xərclənən vəsait nəzərdə tutulduğundan az olub.
Bunu bu gün İstanbulda keçirdiyi mətbuat konfransında TANAP-ın Baş direktoru Saltuk Düzyol bildirib.
Onun sözlərinə görə, başlanğıcda bu məqsədlə 130 mln. dollar nəzərdə tutulmuşdu: “Lakin türk lirəsinin dollar qarşısında dəyər itirməsi xərcləri azaldıb. Bu günə qədər nəzərdə tutulan 130 mln. dollardan 70%-ə qədəri xərclənib”.
Report.az
