Biz yeni fəaliyyətə başlayanda Dövlət Neft Fondunun 270 milyon dollar vəsaiti var idi, indi isə 50 milyard dollardan çoxdur.
Bunu Azərbaycan Respublikasının Prezidentinin köməkçisi, Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov "Böyük Avrasiya geosiyasətinin formalaşması: keçmişdən bu günə və gələcəyə" adlı beynəlxalq konfransda çıxışı zamanı deyib.
"Son 20 il ərzində Azərbaycan ÜDM-i 3,6 dəfə, iqtisadiyyata investisiya isə 4 dəfə artıb. Ölkəyə müxtəlif sektorlardan 300 milyard dollardan çox investisiya daxil olub. İstənilən rəqəmlər faizlə deyil, dəfə ilə ölçülür. Bunun bünövrəsi Heydər Əliyev tərəfindən yaradılmış və hazırda İlham Əliyev tərəfindən davam etdirilir", - deyə Şahmar Mövsümov vurğulayıb.
APA
Bizi sosial şəbəkələrdən izləyin!!