“Kapital Bank”ın faiz gəlirləri artsa da, faiz xərcləri azalıb.
Cari ilin 9 ayı ərzində Bankın faiz gəlirləri 234 milyon 57 min manat təşkil edib. Ötən ilin 9 ayında Bankın faiz gəlirləri 194 milyon 704 min manat olmuşdu. Qısası, “Kapital Bank”ın faiz gəlirləri 20% artıb.
“Kapital Bank”ın faiz gəlirlərinin 20% artmasına baxmayaraq faiz xərcləri təxminən 9% azalıb. Belə ki, ötən ilin 9 ayında 62 milyon 874 min manat təşkil etmiş faiz xərcləri, cari ilin eyni dövründə 57 milyon 782 min manat təşkil edib (5 milyon 92 min manat azalma).
Faiz xərclərinin azalması Bankın daha ucuz pul istifadə etdiyinə işarədir. Birincisi “Kapital Bank” 2017-ci ilin payızında əmanət faizlərini 12%-dən 7-8%-ə endirib. Daha aşağı əmanət faizi xərclərin azalmasının səbəblərindən biridir.
İkincisi “Kapital Bank” böyük kapitala malikdir. Səhmdarların sərmayəsi və əldə edilən böyük mənfəətlər hesabına formalaşmış böyük kapital Bankın vəsaitə olan tələbinin bir hissəsini təmin edir.
Həmçinin “Kapital Bank” nüfuzlu və iri bank olduğundan daha aşağı faizlər ilə vəsait cəlb etmək gücünə malikdir.
Digər bir səbəb bankın xərclərini azaltması, elektron bankçılığa yönəlməsidir.
FAİZ GƏLİRLƏRİ FAİZ XƏRCLƏRİNDƏN ÇOX ARTIB
“Kapital Bank”ın qeyri-faiz gəlirləri ötən ilin 9 ayının yekunu ilə müqayisədə 14 milyon 388 min manat və ya 15% artaraq 110 milyon 730 min manat təşkil edib. Müqayisə olunan dövrdə qeyri-faiz xərcləri isə 13 milyon 587 min manat və ya 12,7% artaraq 120 milyon 642 min manata qalxıb.
Marja.az
