Microsoft şirkətinin yaradıcısı Bill Gates 28 Oktyabr 1955-ci ildə ABŞda anadan olub. Vəkil bir atayla müəllim bir ananın oğlu olaraq dünyaya gələn Gates, hələ on iki yaşında olan zaman özəl məktəbdə ilk dəfə informatika kurslarına yazılır. Boş zamanlarını əsasən kompüter proqramları yazaraq keçirirdi.
Tanıdıqları bir şirkətin böyük kompyuterini pul ödəmədən istifadə edə bilmək üçün məktəb yoldaşı Paul Allen ilə birlikdə istifadəçilər üçün proqram səhvlərini axtarıb tapırdılar. Beləliklə komputer sahəsində ixtisaslaşan tələbələr 1972-ci ildə ilk şirkətlərini (Traf-O-Data) qurdular. Bu şirkət küçə hərəkətinin nizamlanması üçün proqramlar yazırdı və qısa müddətdə 20.000 dollar mənfəət qazandırdı.
Şəxsi kompüterlər 70-ci illərin ortasında hələ inkişaflarının ilk mərhələsində idilər. MITS şirkətinin Altair adını verdikləri ən əhəmiyyətli nümunəsi hələ istifadə edilə bilən bir proqrama sahib deyildi və əməliyyat sistemi tamamlanmamışdı. Gates və Allenin Altair üçün 1974-cü ildə inkişaf etdirdikləri proqram dili BASIC sayəsində kompyuter istifadəçiləri proqramlarını özləri yazabilirdilər. MITS şirkəti gənclərdən marketinq sənədini alaraq özlərinə sistemi daha da inkişaf etdirmələri üçün sifariş verdi. Gates bundan sonra təhsilini yarıda qoyaraq Allen ilə birlikdə New Mexikoda MİCROSOFT adlı şirkəti qurdu.
Fortran, Kobol və Pascal kimi proqram dillərini inkişaf etdirməklə Microsofta üstünlük qazandırdılar və beynəlxalq bazara daxil olmasını təmin etdilər. Gates 1979-cu ildə yalnız 13 işçisiylə təxminən 3 milyon dollarlıq satış reallaşdıra bildi.
Gates Seattle Computer Products (SCP) şirkətindən 50.000 dollar qarşılığında DOS əməliyyat sistemini aldı və SCP’de DOS proqramçılarından biri olan Tim Patersonu heyətinə daxil etdi. DOS əməliyyat sistemini özəlləşdirərək MS-DOS adını verdilər. Bu əməliyyat sistemi rekord sayda satıldı və Microsoftun Avropada da filialları açıldı. Windowsun inkişaf etdirilməsi işlərinə Gates 1985-ci ildə başlamışdı. Windowsu bazara çıxardıqdan üç il sonra ciddi uğur qazandılar.
Artıq neçə ildir ki, gündəmə sərvəti, bahalı evi, etdiyi xeyriyyə yardımları ilə gələn Bill Gatesin şəxsi həyatı da iş həyatı kimi maraqlıdır. Evinin böyüklüyü 5000 metr kvadrat olan Gates otağında məşhur rəssam Da Vinçinin əl yazma kitablarını saxlayır. Saniyədə 250 $ qazanır və hazırda dünyanın ən zəngin insanıdır. Microsoftun səhmləri isə hər zamankı kimi yüksəlməyə və Bill Gatesə sərvət qazandırmağa davam edir.
©Bizplus.az
