2016-cı ilin yanvar-avqust aylarında Azərbaycanda neft hasilatı (qaz kondensatı da daxil olmaqla) 28 milyon 159 min ton təşkil edib ki, bu da ötən ilin anoloji dövrü ilə müqayisədə 1,2% çoxdur.
Bu barədə Dövlət Statistika Komitəsindən (DSK) məlumat verilib.
8 ayda 28 milyon 124 min ton əmtəə nefti (artım 1,1%) hasil olunub.
Bu dövrdə 19 milyard 764 milyon kubmetr qaz (artım 5,8%) hasil olunub. Əmtəə qazının hasilat həcmi isə 12 milyard 380 milyon kubmetr (azalma 0,8%) təşkil edib.
2015-ci ildə Azərbaycanda qaz kondensatı da daxil olmaqla, neft hasilatı 41 milyon 689 min ton, qaz hasilatı 29 milyard 742 milyon kubmetr təşkil edib.
Hökumətin proqnozlarına görə, 2016-cı ildə Azərbaycanda neft hasilatı 40 milyon 745 min ton, qaz hasilatı 29 milyard 345 milyon kubmetr təşkil edəcək.
Mənbə : Oxu.az
