Azərbaycan və Türkiyə bərpa olunan energetika sahəsinə birgə sərmayə qoyacaq. Xəbər Türkiyənin Dövlət İctimaiyyəti Məlumatlandırma Platformasına istinadən verilir.
Ötən gün bu barədə anlaşma memorandumu Türkiyənin "Turcas Enerji Holding"i və Azərbaycanın Alternativ və Bərpa Olunan Enerji Mənbələri üzrə Dövlət Agentliyi yanında "Azalternativenerji" arasında imzalanıb.
Sənədə əsasən, tərəflər Türkiyə və Azərbaycanda günəş, külək və geotermal elektrik stansiyalarının tikintisinə, eləcə də digər layihələrə birgə sərmayə qoyacaqlar.
Müqavilənin fəaliyyət müddəti imzalandığı gündən başlayaraq 3 il təşkil edir.
