Müəllif:Mehin Qasımova,Banco.az

Avropa Birliyi (AB) qurumları, Komissiya, Şura və Parlament işçilərinə rəsmi yazışmalarda süni intellekt tərəfindən yaradılan vizuallardan istifadə etməyi qadağan edib.

Banco.az xəbər verir ki, bu qərar göndərilən mesajların etibarlılığını qorumaq məqsədi daşıyır.

Avropa Komissiyasının sözçüsü Tomas Reqnyer bildirib ki, jurnalistlərə təqdim etdiyimiz və ya rəsmi məlumatlandırma məqsədləri üçün paylaşdığımız şəkillər və fotoşəkillərdə süni intellekt tərəfindən yaradılan məzmun yoxdur.

Regnier bildirib ki, Komissiya vətəndaşların etibarını artırmağı hədəfləyir və buna görə də kommunikasiyalarında orijinallığa üstünlük verir və əlavə edib ki, Komissiya süni intellektin görüntü keyfiyyətini yaxşılaşdırmaq kimi məqsədlər üçün məhdud istifadəsinə icazə verir.