Müəllif: Tamara Mustafayeva, Banco.az
Avropa İttifaqının (Aİ) maliyyə nazirləri blokun maliyyə intizamı qaydalarında islahatların aparılmasına razılaşıblar.
Banco.az xəbər verir ki, İttifaqa üzv ölkələrin maliyyə nazirləri Avropa Komissiyasının Covid-19 pandemiyasından sonra yaranan yüksək dövlət borcu, texnologiya və iqlim dəyişikliyi ilə mübarizə üçün böyük dövlət investisiyalarına ehtiyacına uyğun olaraq yenilənmiş fiskal qaydaları ehtiva edən təklifini qəbul ediblər.
Yeni qaydalar zəruri islahat və investisiyaları asanlaşdırarkən, ölkələrin müxtəlif maliyyə vəziyyəti və çətinlikləri də nəzərə alınır.
Dövlət xərclərinə nəzarət yolu ilə borcun azaldılması üçün nəzərdə tutulan dördillik müddət hökumət tərəfindən müəyyən investisiyalar və islahatlar aparılarsa, yeddi ilə qədər uzadıla bilər.
Bununla yanaşı, qeyd edək ki, yeni fiskal qaydalar Aİ-nin ÜDM-ə nisbətdə 3 faizlik büdcə kəsirini və ÜDM-ə nisbətən 60 faiz dövlət borcunu keçən ölkələr üçün xərclərin daha mərhələli və spesifik azaldılmasını təklif etmək üzrə nəzərdə tutulub.
Bizi sosial şəbəkələrdən izləyin!!
