Müəllif: Gülnar Əhmədli, Banco.az
ABŞ və İran arasında uzun sürən qarşıdurma qlobal neft bazarında təkliflə bağlı narahatlıqları artıraraq qiymət gözləntilərini dəyişib.
Banco.az xəbər verir ki, Citi üçüncü rüb üzrə Brent markalı neftin qiymət proqnozunu 75 dollardan 80 dollara yüksəldib.
Goldman Sachs isə qısamüddətli dövrdə Brent neftinin 80-90 dollar aralığında ticarət ediləcəyini gözləyir. Citi 2026-cı ilin dördüncü rübü üçün proqnozunu dəyişməyərək Brent neftinin orta qiymətinin 70 dollar olacağını bildirib. Bankın 2027-ci il üçün proqnozu da 65 dollar səviyyəsində qalıb.
Goldman Sachs hesab edir ki, neft qiymətlərinin istiqamətində ABŞ-İran münasibətlərindəki inkişaflar əsas rol oynayacaq. Yeni nüvə sazişinin əldə olunması və ya qarşıdurmanın daha da şiddətlənməsi qiymətlərə ciddi təsir göstərə bilər.
Beləliklə, Citi qısamüddətli proqnozunu yüksəltsə də, uzunmüddətli perspektivdə qiymətlərin azalacağını gözləyir. Goldman Sachs isə yaxın müddətdə yüksək qiymətlərin davam edə biləcəyini düşünür.
Bizi sosial şəbəkələrdən izləyin!!
