Müəllif:Mehin Qasımova,Banco.az
ABŞ Dövlət Departamenti İranda etirazları boğmaq üçün zorakılıqdan istifadə etmək və internetə çıxışı məhdudlaşdırmaqda ittiham olunan 18 İran rəsmisini sanksiya siyahısına əlavə etdiyini açıqlayıb.
Banco.az xəbər verir ki, bu barədə ABŞ Dövlət Departamentinin sözçü müavini Tommi Piqot məsələ ilə bağlı yazılı açıqlama verib.
Piqot ABŞ administrasiyasının İran xalqının ifadə azadlığını dəstəkləməyə davam edəcəyini vurğulayaraq, iranlıların dinc toplaşmaq hüququ və nümayiş etmək hüququnun maneə törədilə bilməyəcəyini bildirdi.
Piqot qeyd edib ki, bu addım sanksiya siyahısındakı İran rəsmilərinin ümumi sayını 58-ə çatdırıb.
