Müəllif: Tamara Mustafayeva, Banco.az
ABŞ-da kənd təsərrüfatından kənar məşğulluq proqnozları üstələyib.
Banco.az xəbər verir ki, ABŞ-da kənd təsərrüfatından kənar sektorlarda işləyənlərin sayı 206 min nəfər artıb.
Artım proqnozları üstələsə də, əvvəlki aylardan aşağı olduğu üçün FED-in gələcək aylarda faiz dərəcələrini endirə biləcəyi gözləntiləri dəstəklənib.
İyun ayında ölkədə işsizlik nisbəti isə 4,1 faiz hesablanıb. Bu, həm may ayının göstəricisindən, həm də ekspertlərin 4 faizlik proqnozlarından çoxdur.
Məlumatlar bu il iş elanlarının kəskin azaldığını və işsizlik müavinəti üçün müraciət edənlərin sayının artdığını göstərən digər hesabatlarla uyğun gəlib.
Məlumatların ardınca ABŞ istiqrazlarının faizləri azalıb və S&P 500 fyuçers indeksi yüksəlib.
Bizi sosial şəbəkələrdən izləyin!!
