Müəllif: Tamara Mustafayeva, Banco.az
ABŞ-da kənd təsərrüfatından kənar məşğulluq proqnozları üstələyib.
Banco.az xəbər verir ki, ABŞ-da dekabr ayı üzrə kənd təsərrüfatından kənar məşğulluğa dair artım göstəriciləri açıqlanıb.
Məlumatlar göstərir ki, ABŞ-da kənd təsərrüfatından kənar sahələrdə işləyənlərin sayı ötən ilin sonuncu ayınd 216 min nəfər artıb.
İşsizlik nisbəti isə 3,7 faiz təşkil edib.
İqtisadçılar isə sözügedən dövrdə məşğulluq artımın 175 min, işsizlik nisbətinin isə 3,8 faiz olacağını gözləyirdilər.
İnflyasiya proqnozu baxımından monitorinq edilən saatlıq qazanclarda da proqnozlardan yuxarı göstərici qeydə alınıb. Belə ki, dekabr ayında orta saatlıq qazanc aylıq 0,4 faiz artıb. Proqnozlar isə 0,3 faiz artıma işarə edirdi.
Bizi sosial şəbəkələrdən izləyin!!
