Dövlət ipoteka proqramı ilə yanaşı özəl banklar da öz müştərilərinə bank vəsaiti hesabına verilən ipoteka kreditlərindən faydalanmağı təklif edirlər. Özəl ipoteka kreditinin rəsmiləşdirilməsi prosesi dövlət proqramı çərçivəsində verilən kreditindən demək olar ki fərqlənmir. Lakin bu iki növ İpoteka kreditlərin şərtlərində kifayət qədər çox fərq var. Məsələn, özəl ipoteka kreditinin məbləğ limiti dövlət ipotekasından üstün ola bilər və təbii ki, bu müsbət bir özəllikdir. Lakin, eyni zamanda özəl ipoteka kreditinin müddəti dövlət kreditindən qat-qat az olur, bu da kredit alıcı və ödəyici üçün aylıq ödəniş məbləğinin yüksək olması baxımından mənfi cəhətdir. Bundan savayı bir sıra fərqlilik və özəlliklər var,misal üçün hər bir bankın daxili qaydaları, kredit siyasəti və prosedurlar vasitəsilə tənzimlənən mexanizmlər.
Saytımızın bu bölməsində Sizə hal-hazırda mövcud olan Özəl İpoteka Proqramları haqqında ümumi cədvəli təqdim edirik. Daha ətraflı məlumat üçün müvafiq bankın mütəxəssislərinə müraciət etməyinizi tövsiyyə edirik.