Kapital Bank ənənələrinə sadiq qalaraq öz müştərilərini növbəti xoş xəbərlə sevindirdi. Müqəddəs Ramazan bayramı və yeni dərs ili ərəfəsində bank avqust ayından etibarən Azərbaycan və Rusiya arasında faizsiz sürətli pul köçürmələrinə başlayır.
Azərbaycan Əmanətlərin Sığortalanması Fondunun (ADIF) Himayəçilik Şurasının iclasında sığortalanan əmanətlər üzrə yuxarı həddin 12-dən 10 faizədək endirilməsi barədə qərar qəbul edib.
“Bank Technique” ASC filiallarının geolokasiyası ilə bağlı həyata keçirdiyi yeni siyasətinə uyğun olaraq, Yasamal filialının da yerini dəyişib. Belə ki, Bankın Yasamal filialı, Yasamal rayonu, 7-ci Sallaqxana küçəsi 7 ünvanından, 547-ci məhəllə, İnşaatçılar prospekti 3 ünvanında yeni konsepsiya ilə təmir olunan binaya köçüb. Üstün xidmət səviyyəsi təqdim olunan filialda Bankın müştərilərinə yüksək texnoloji xidmət göstərilməklə yanaşı, onların istifadəsinə bir-birindən faydalı və fərqli məhsullar da təklif olunur.
Nağdsız ödənişləri dəstəkləmək məqsədilə “Bank of Baku” Bolkart sahibləri üçün yeni mükafatlandırma aksiyasına başlayır. Beləliklə, 29 iyul tarixindən etibarən dörd həftə ərzində Bolkartı ilə məbləğ etibarilə ən çox alış-veriş edən toplam 240 nəfər Bolkartlı Park Cinema-Amburan yay kinoteatrına bilet qazanacaq. Hər həftə 60 ən fəal Bolkart sahibi mükafatlandırılacaq. Hər qalibə 2 ədəd bilet təqdim olunacaq.
Azərbaycanda nağdsız ödənişlərin təşviqi məqsədilə “Bank of Baku” özünün ən prestijli plastik kartlarından olan Gold kartın rəsmiləşdirmə haqqını endirmək qərarı verib. Beləliklə, 31 avqust tarixinə kimi “Bank of Baku”-dan 1 il müddətinə MasterCard yaxud VİSA loqolu Gold kart sifariş edən hər şəxs kartın illik xidmət haqqı qismində 35 manat deyil, cəmi 8 manat ödəyəcək. Kart üçün müştəridən sığorta məbləği isə tələb edilməyəcək.
Emissiyanın həcmi 15 milyon 245 min manat, qiymətli kağızın miqdarı 15 min 245 ədəd, nominal dəyəri 1000 manat, üstünlük hüququnun bitmə tarixi avqustun 15-dir.
Anderrayter qismində “Texnika Kapital Menecment” MMC çıxış edir. Qeyd edək ki, səhmlərin yerləşdirilməsi başa çatdıqdan sonra, Bankın nizamnamə kapitalı 23,6% artaraq, 80 mln. manata çatacaq.
İlin əvvəlindən bu yana Unibank tərəfindən 183 ipoteka krediti verilib. Həm güzəştli, həm də adi şərtlərlə verilən kreditlərin həcmi 7,5 milyon manatdan çoxdur. Orta məbləği 41 min manat təşkil edən, kreditləri götürən şəxslərin orta yaş həddi 32 olub. Orta müddəti 24 il olan ipoteka kreditləri ilə alınan evlərin orta dəyəri, 61 min manat təşkil edib.
Kart məhsulları sektorunu genişləndirmək və POS-terminal şəbəkəsinin artırılması məqsədi ilə, Bank Respublika Visa İnternational-dan ticarət və e-kommersiya üçün ekvayrinq lisenziyaslarını almışdır.
2007-ci ildən Əmanətlərin Sığortalanması Fondunun üzvü olan "Amrahbank", müştərilərə bildirir ki, Əmanətlərin Sığortalanması Fondunun qərarı ilə 1 avqust 2013-cü il tarixdən etibarən sığortalanan əmanətlərin yuxarı həddi 12%-dən 10%-ə enəcəkdir.
Məlumat üçün bir daha bildiririk ki, 1 avqust 2013-cü il tarixədək 12 və ondan aşağı illik faiz dərəcəsilə qəbul edilən bütün depozitlər hazırkı dövrün qaydalarına uyğun olaraq depozit müqaviləsinin sonunadək sığortalanacaqdır.
