Azərbaycanın ən iri banklarından biri olan PAŞA Bank və Azərbaycan Tələbə Gənclər Təşkilatları İttifaqının (ATGTİ) birgə həyata keçirdiyi "Mən PAŞA Bankın Təqaüdçüsüyəm" adlı təqaüd proqramının seçimləri yekunlaşdı. Qeyd edək ki, "Mən PAŞA Bankın Təqaüdçüsüyəm" layihəsi ATGTİ və PAŞA Bankın birgə həyata keçirilən layihəsi olaraq artıq 3 ildir ki, davam edir. İndiyə qədər təqaüd proqramından 40-a yaxın tələbə yararlanıb.
“Bank Technique” ASC Türkiyənin “UPT” (Universal Payment Transfer) təcili pul köçürmələri sistemi ilə əməkdaşlığa başlayıb. Artıq bank müştəriləri Türkiyənin istənilən nöqtəsinə sərfəli tariflərlə birbaşa pul köçürə biləcəklər.
Unibank və Avropa Yenidənqurma və İnkişaf Bankı Azərbaycanda yerli şirkətə böyük həcmdə kredit ayırıb. Bu Unibankın real sektorun inkişafına verdiyi dəstəyin daha bir nümunəsidir. İmzalanan müqaviləyə əsasən, Unibank və AYİB tərəfindən neft xidmətləri şirkəti "Dalğıc" MMC-yə 10 milyon ABŞ dolları məbləğində kredit ayrılıb.
Allah şəhidlərimizə rəhmət eləsin! Şəhidlərimizin valideynlərinə və yaxınlarına dərin hüznlə başsağlığı verir və səbr diləyirik. Vətən sağ olsun...
Hörmətlə, Azər-Türk Bank ailəsi
Unibank-ın ALBALI PLUS Kuboku uğrunda Futbol Çempionatı başa çatmaqdadır. Bu günlərdə Kubokun sahibləri məlum olacaq. Bank əməkdaşlarının və bankın 10-dan artıq partnyor komandalarının qatıldığı həyəcan dolu oyunlarda, 30-dan çox komanda ALBALI PLUS Kuboku uğrunda gərgin mübarizə apardı. Avqustun 3-də Abu Arena İdman Kompleksində keçirilən final oyunlarında qalib komandalar müəyyənləşəcək.
Expressbank-ın Xaçmaz şəhəri, H.Əliyev küçəsi, 2A və Mingəçevir şəhəri, H.Əliyev prospekti 36 ünvanlarında yerləşən “Xaçmaz” və “Mingəçevir” filiallarında altı günlük fasiləsiz iş rejimi tətbiq edilmişdir.
2014-cü ilin birinci yarısında NBC Bankın kredit portfelində biznes kreditlərinin xüsusi çəkisi əhəmiyyətli dərəcədə artmışdır. Belə ki, qeyd olunan dövrdə bankın biznes kreditlərinin həcmi 2,1 dəfə artaraq 44 mln. 348 min manat təşkil etmişdir. Bankdan verilən məlumata görə, biznes kreditləri əsasən yerli istehsal müəssisələri, kənd təsərrüfatı, heyvandarlıq və s. sahələrin maliyələşdirilməsinə yönəldilmişdir.
“NBC Bank” ASC səhmlərinin növbəti emissiyasını həyata keçirib. Bununla da “NBC Bank” ASC-nin nizamnamə kapitalı 10 mln. manat artaraq, 46,5 mln. manata çatmışdır. Bu göstərici 2013-cü ilin yekunu ilə müqayisədə 27% artmışdır. Hesabat dövründə məcmu kapital isə 2013-cü ilin sonu ilə müqayisədə 26% artaraq 49.2 mln. manat təşkil etmişdir. Bununla da “NBC Bank” ASC, Mərkəzi Bankın məcmu kapital tələbini demək olar ki, yerinə yetirmişdir.
