Ali Məhkəmənin bu gün baş tutan iclasında lisenziyaları ləğv edilən "Atrabank" və "Qafqaz İnkişaf Bank" ASC-lərin əleyhinə qərar qəbul edilib.
"Report"a bu barədə bank dairələrindən məlumat verilib.
Asiya İnkişaf Bankı (ADB) Azərbaycanda “Elektrik paylayıcı şəbəkənin yenidən qurulması Layihəsi" çərçivəsində “Keyfiyyət və maliyyə əsaslı seçim” metodu ilə yenidən şirkət axtarır. “Report” xəbər verir ki, bundan öncə elan edilən vakansiya üzrə tərəfdaş tapılmayıb.
“Unicapital İnvestisiya şirkəti” Açıq Səhmdar Cəmiyyəti dövlət qiymətli kağızlar bazarında göstərilən xidmətlərin həcminə görə, broker şirkətlərin iyul ayı üçün renkinqinə başçılıq edir.Bakı Fond Birjasının Analitik şöbəsinin hesablamalarına əsasən, şirkətin müştərilərə göstərdiyi xidmətinin həcmiay ərzində 52 milyon 795 min 373 manat olub.
Azərbaycanda fəaliyyət göstərən kommersiya bankları tərəfindən bu ilin iyun ayında nağd xarici valyuta ilə mübadilə əməliyyatları çərçivəsində əhaliyə 115,708 mln. ABŞ dollarının xalis satışı həyata keçirilib.
Azərbaycanda sənaye müəssisələri və bu sahədə fəaliyyət göstərən fərdi sahibkarlar tərəfindən bu ilin yanvar-iyul aylarında 17,6 mlrd. manatlıq və ya əvvəlki ilin müvafiq dövrü ilə müqayisədə 0,9% çox sənaye məhsulu istehsal edilib.
AccessBank-ın “Qazax” filialının əməkdaşları abuturiyentlər arasında “Uğurlu Gələcək Təhsillə Gələcək” adlı aksiya təşkil ediblər. Aksiya 2 mərhələdən ibarət olub.
Cari ilin yanvar-iyul aylarında Azərbaycanda istehlak məhsulları və xidmətlərin qiymətləri ötən ilin eyni dövrünə nisbətən 10,6% artıb.
Bu ilin iyun ayında Azərbaycanda POS-terminallar vasitəsilə 41 mln. manat həcmində 667 min əməliyyat həyata keçirilib. Mərkəzi Bankdan "Report"a verilən məlumata görə, ötən ilin eyni dövrü ilə müqayisədə ödənişlərin həcmində 20,6% artım, sayında isə əksinə 22,3% azalma müşahidə olunub. POS-terminallar vasitəsilə nağdsız ödənişlərin həcmi ötən ilin ilk yarısı ilə müqayisədə 11,4% artaraq cari ilin yanvar-iyun aylarında 215 mln. manata çatıb.
Bu gün Azərbaycan Dövlət Neft Fondunun (ARDNF) keçirdiyi valyuta hərracında kommersiya banklarının dollara olan tələbatı faktiki təklifi təxminən 12 dəfədən artıq üstələyərək rekord həcmdə - 600 mln. ABŞ dollarından çox olub.
ARDNF-in hərraca çıxardığı valyutanın məbləği 50 mln. dollar olub. Bu vəsait 29 kommersiya bankına satılıb.
Azərbaycan Mərkəzi Bankı (AMB) tərəfindən vəsaitlərin cəlb edilməsi üzrə növbəti depozit hərracı keçiriləcək.
Bu barədə bankdan Oxu.Az-a bildirilib.
