Bu gün Azərbaycan Mərkəzi Bankı (AMB) növbəti depozit hərracı keçirib. AMB-dən "Report"a verilən məlumata görə, hərracda 40 mln. manat cəlb edilib.
Hərracın nəticəsində bağlanılmış depozit əqdləri üzrə ortaölçülmüş faiz dərəcəsi isə 9,22% təşkil edib.
Azərbaycan Əmanətlərin Sığortalanması Fondu (ADİF) Maliyyə Bazarlarına Nəzarət Palatasının lisenziyasını ləğv etdiyi 4 kommersiya bankının qorunan əmanətçilərinə kompensasiya ödənişini davam etdirir.
Azərbaycanda ödəniş vaxtı keçmiş kreditlərin ümumi həcmi 2016-cı il iyulun 1-nə 1 539,8 mln. manat təşkil edib. Bu, nominal həcmin yeni tarixi rekorda çatması deməkdir. Sonuncu rekord isə iyunun 1-də qeydə alınıb. "Report"un Azərbaycan Mərkəzi Bankına istinadən verdiyi xəbərə görə, iyunun 1-nə olan analoji göstərici ilə müqayisədə problemli kreditlərin həcmi 25,6 mln. manat və ya 1,69%, 2016-cı ilin əvvəli ilə müqayisədə isə 31,3 mln. manat və ya 2,07% artıb.
Bu ilin əvvəlindən Azərbaycanda ilk dəfə iyunda banklar tərəfindən kredit qoyuluşu artıb. "Report" xəbər verir ki, bu barədə Azərbaycan Mərkəzi Bankı məlumat yayıb.
Belə ki, iyulun 1-nə bankların məcmu kredit portfeli 17 885,4 mln. manat təşkil edib. Bu isə iyunun 1-i ilə müqayisədə 1,35% və yaxud 237,1 mln. manat çoxdur.
İnvestAz-ın verdiyi xəbərə istinadən,bu gün maliyyə bazarlarında güclü hərəkətliliyə səbəb ola biləcək iqtisadi göstəricilər gözlənilmir.
Crowdfunding alternativ maliyyənin bir formasıdır.
ABŞ-da keçən həftə açıqlanan məşğulluq göstəricisinin 180 min nəfər olan proqnozları kifayət qədər üstələyərək 255 min nəfərə çatmasından sonra Federal Ehtiyat Sisteminin (FES) uçot dərəcəsini 2016-cı ildə artıracağı ilə bağlı ehtimalları gücləndirib və bu amil qızılın qiymətinin azalmasına səbəb olub.
Azər-Türk Bank" ASC-nin İdarə Heyətinin (İH) sədr müavini Rumiyə Məmmədova "Bank Standard" QSC-nin Müşahidə Şurasının (MŞ) sədri seçilsə də, bu, onun iş yerini dəyişməsi demək deyil. Bunu "Report"a "Azər-Türk Bank"dan deyiblər.
Ölkəmizdə futbolun inkişafına daim dəstək verən Azərbaycan Beynəlxalq Bankı bu istiqamətdə daha bir yeniliyə imza atır. Bank dünyanın ən məşhur futbol klublarından “Yuventus”-la əməkdaşlığa başlayır. İtaliya çempionu olan bu klubla müvafiq saziş çərçivəsində bir sıra birgə tədbirlər həyata keçiriləcək. İlk növbədə, “İnter Arena”nın bazasında “Yuventus” Futbol Akademiyası yaradılacaq.
Azərbaycan Mərkəzi Bankı 8 avqust tarixinə valyuta məzənnələrini açıqlayıb.
Mərkəzi Bankdan verilən məlumata görə, avqustun 8-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,6005 manat təşkil edir.
