"Azərbaycan "MasterCard" üçün olduqca önəmli bir bazardır. Bu səbəbdən ölkədə nağdsız ödənişləri inkişaf etdirmək istiqamətində Azərbaycanda fəaliyyət göstərən banklar və dövlət orqanları ilə əməkdaşlığı genişləndirmək niyyətindəyik. Azərbaycanda "MasterCard" nümayəndəliyinin açılmasının səbəblərindən biri də məhz elə budur".
Azərbaycanda fəaliyyət göstərən kommersiya banklarının heç birinin "Mastercard"a borcu yoxdur. Bunu "Mastercard"ın Azərbaycan üzrə meneceri Alper Meriç deyib.
A.Meriç qeyd edib ki, "Apple" şirkəti Azərbaycan bazarına daxil olmaqla bağlı qərar qəbul edərsə "Mastercard" texnoloji baxımdan bunu dəstəkləyə bilər.
Artıq 2018-ci ildə mobil ödəmələr dünya pərakəndə ticarətin 30%-ni təşkil edəcək. Həmçinin, 2020-ci ildə nağdsız ödənişlər dünya bazarında 30% paya sahib olacaq. Bunu jurnalistlərə açıqlamasında "Mastercard" şirkətinin Türkiyə və Azərbaycan üzrə meneceri Yasemin Bedir deyib.
Dünya Bankının Azərbaycan hökuməti ilə birgə həyata keçirdiyi, İsveçrənin İqtisadi Məsələlər üzrə Dövlət Katibliyinin (SECO) dəstəklədiyi “Kapital bazarlarının müasirləşdirilməsi Layihəsi” ölkədə qiymətli kağızlar bazarının inkişafı üzrə dövlət proqramına uyğun olub. Bunu layihənin nəticələrinə həsr olunmuş bugünkü tədbirdə SECO-nun nümayəndəsi Simone Haiberli deyib.
Bu ilin may ayında Cənubi Koreya mütəxəssislərinin köməyi ilə Azərbaycanda kapital bazarı üçün müasir ticarət platforması yaradılıb, əməliyyat sistemi təkmilləşdirilib və bu, bazarın inkişafı üçün çox vacibdir.
Azərbaycanda kapital bazarlarının müasirləşdirilməsinə başlanması 2008-2009-cu illərə, qlobal iqtisadi böhran dövrünə təsadüf edib. Bunu Maliyyə Bazarlarına Nəzarət Palatası (MBNP) Direktorlar Şurasının sədri Rüfət Aslanlı Azərbaycan hökumətinin Dünya Bankı ilə birgə həyata keçirdiyi, İsveçrənin İqtisadi Məsələlər üzrə Dövlət Katibliyinin (SECO) dəstəklədiyi “Kapital bazarlarının müasirləşdirilməsi Layihəsi”nin nəticələrinə həsr olunmuş tədbirdə deyib.
Aparılan hesablmalara görə, Azərbaycanda gələcək 3 ildə bütün ödəmələrin nağdsız yolla həyata keçirilməsi ilə nağd pul vəsaitlərinin istifadəsində yaranan xərclərin qarşısını alınacaq, bu da ÜDM-də 3% təşkil edəcək. Bunu jurnalistlərə açıqlamasında "Mastercard" şirkətinin Türkiyə və Azərbaycan üzrə meneceri Yasemin Bedir deyib.
Bakıda Azərbaycan hökuməti ilə Dünya Bankının (WB) birgə həyata keçirdiyi, İsveçrənin İqtisadi Məsələlər üzrə Dövlət Katibliyinin (SECO) dəstəklədiyi “Kapital bazarlarının müasirləşdirilməsi Layihəsi”nin nəticələrini müzakirə etmək məqsədi ilə yekun konfrans keçirilir.
"Azərbaycanda xarici valyutada yerləşdirilən depozitlərin bank sektorunun ümumi depozit portfelində payı 2015-ci ilin əvvəlindəki 50%-dən 2016-cı ilin avqusta ayındakı 80%-dək artıb". "İnterfax" agentliyinə istinadən xəbər verilir ki, bu barədə Avropa Yenidənqurma və İnkişaf Bankının (European Bank Reconstruction and Development, EBRD) regional iqtisadi icmalında deyilir.
Azərbaycanın dünya bazarına çıxararaq satdığı "Azeri LT CIF" markalı xam neftin bir barelinin qiyməti 0,28 dollar və yaxud 0,60% azalıb.
"Azeri LT CIF" markalı neftin bir barelinin qiyməti 46,30 dollara bərabər olub.
