DəmirBank-ın aktivləri 1 iyul 2013-cü il tarixinə 383 mln. manat təşkil edib. Müştərilərə verilən kreditlərin həcmi isə qeyd edilən tarixə 280,5 mln. manatı keçib.

“FINCA Azerbaijan” Baş ofis və filiallarında istifadə olunan müxtəlif növ mebellər üçün tender elan edir. Elanın sonuna əlavə edilmiş linkdən tenderdə qiymət təklifi istənilən materialların adlarının, nümunələrinın və digər məlumatların göstərildiyi sənədi yükləyə bilərsiniz.

Xahiş edirik, qiymət təklifinizi 23 İyul 2013-cu il, saat 17-30-a kimi bağlı və surquclu zərfdə (surquc olmadığı təqdirdə zərfin bağlanan hissəsini möhürləyin) “FINCA Azerbaijan”ın Baş Ofisinə təqdim edəsiniz.

Ünvan: Cəfər Cabbarlı küçəsi 44, Caspian Plaza 3, 8-ci mərtəbə

AGBank yeni xidmət təklif edir

İndi bankın müştəriləri Forex bazarının iştirakçısı ola bilərlər

AGBank müştərilərinə daha bir yeni xidmət təklif edir.

15 iyul tarixindən etibarən AGBank tərəfindən müştərilərə yeni Forex xidməti təklif olunur. Artıq bankın hər bir müştərisi hesab açaraq, Forex bazarın iştirakçısı ola bilər. 

Mərkəzi Bank tərəfindən həyata keçirilən faiz dərəcələrinin azaldılması imkanlarının araşdırılması proqramı çərçivəsində Bank Respublika faiz dərəcələrinin azaldılması və kreditləşdirmə (istehlak kreditləri həmçinin orta və kiçik biznes kreditləri üzrə) prosedurlarının sadələşdirilməsi üçün lazım olan tədbirlər kompleksinin müəyyən edəcək strategiyanın hazırlanmasına başladı

“Bank of Baku”-nun plastik kartları ilə nağdsız ödənişlər ən yüksək həddə çatıb. Azərbaycan Respublikası Mərkəzi Bankının nağdsız ödənişlər üzrə may ayına aid hesabatında (http://cbar.az/standalone/nagdsz-dnilr-zr-nominasiya), “Bank of Baku”  bu nominasiyada 1-ci yerdə qərarlaşıb. Mərkəzi Bankın hesabladığı əmsala görə, ay ərzində Azərbaycan bankları arasında plastik kart sayına münasibətdə ən çox ödəniş “Bank of Baku”-nun   POS-terminallarında və bankomatlarında aparılıb.

Bank of Azerbaijan yeni "TƏTİL" əmanətini müştərilərinə təqdim edir. Tətil əmanəti üzrə əmanət yerləşdirən Bankın hər bir müştərisinə əmanət faizləri əvvəlcədən ödəniləcək.

20 illik yubileyini qeyd edən Amrahbank uğurlarını müştərilərilə paylaşaraq  yeni Visa Classic, Visa Gold və Mastercard  Platinum sahiblərinə illik 5% gəlir  təklif edir.  

     Yubiley kartları, SMS xəbərdarlıq və internet bank xidmətləri  pulsuzdur, sığorta depoziti tələb olunmur.  

“FINCA Azerbaijan” müştərilərə yaxın, daha rahat və surətli xidmətlər göstərmək məqsədilə yeni, müasir, geniş və PayPoint ödəmə terminalı ilə təchiz olunmuş Siyəzən sub-ofisini müştərilərin ixtiyarına verdi. Heydər Əliyev küçəsində yerləşən yeni ofisin açılış mərasimində “FINCA Azerbaijan”ın rəhbər şəxsləri, yerli İcra Hakimiyyəti orqanın nümayəndələri, digər maliyyə təşkilatların mütəxəssisləri və müştərilər iştirak etdilər. Qonaqlar sub-ofisin fəaliyyətində stabilliyi, yüksək xidmət standartlarını və dinamik inkişafı qeyd edərək filiala çevrilməsini arzu etdilər.

“Bank Technique” ASC daha bir innovativ xidmətini müştərilərinin ixtiyarına verdi. Artıq hesablara vəsaitlərin mədaxil olunması üçün Banka gəlməyə ehtiyac yoxdur! İndi, “Bank Technique”də xidmət olunan hesablara, ödəniş (plastik) kartına sahib olan istənilən şəxs, bankomatlar (ATM) və ya online.banktechnique.az saytındakı “Şəxsi Kabinet” funksiyası vasitəsilə pul mədaxilini edə bilər. Bu cür əməliyyatlardan həm kreditlərin ödənişi, həm də şəxsi koçürmə və ya hesabın möhkəmləndirilməsi məqsədilə yararlanmaq olar.