2013-cü ilin iyul ayının 1-nə TuranBankın aktivlərinin həcmi, 2012-ci ilin analoji dövrü ilə müqayisədə 25,75%, ilin əvvəli ilə müqayisədə isə 11,34% artaraq 241,686 mln. manat təşkil etmişdir. Hesabat tarixinə bankın kredit portfeli, 2013-cü ilin əvvəli ilə müqayisədə 9,93%, 2012-ci ilin analoji dövrü ilə müqayisədə isə 21,23% artaraq 177,298 mln. manat təşkil etmişdir.
Müştərilərə öz vəsaitlərini rahat idarə etmək və plastik kartlar üzrə xidmətləri əlverişli şəraitlə təmin etməkdə davam edən Bank Respublika növbəti Cash-in bankomatını Nərimanov filialında və daha bir bankomatını Mərdəkan qəsəbəsi, Yesenin küçəsi, 99 ünvanında istifadəyə verdi. Bununla da Bank Respublika bankomatların sayını 52-yə çatdırdı. Bu ilin sonunadək daha bir neçə bankomatın quraşdırılması nəzərdə tutulub.
Azərbaycan Beynəlxalq Bankı (ABB) 2012-ci il ərzində dividendlərin ödənilməsi prosesinə başlayıb. Bu barədə bankdan məlumat verilib.
“8 iyul 2013-cü il tarixindən etibarən səhmdarlar 2012-ci il ərzində dividendlərin alınması üçün bankın filiallarına müraciət edə bilərlər”, - deyə məlumatda qeyd olunur.
“Bank of Azerbaijan" ASC bu ilin yanvar-iyun aylarında vergi ödənilənə qədər 8.54 milyon manat mənfəət əldə edib. Bankın gəlirləri 22.5 milyon manat, xərcləri 13.96 milyon manat olub.
Ramazan ayında insanların nağd pula ehtiyaclarını qarşılamaq məqsədilə “Bank of Baku” Bolkart istifadəçiləri üçün nağdlaşdırma kampaniyasına start verir. 9-11 iyul 2013-cü il tarixləri arasında kartdan pul çıxaran Bolkart sahibləri, sentyabrın 10-dək faizsiz ödəniş imkanı qazanır. Kart sahibləri balanslarındakı bütün məbləği nağdlaşdıra bilərlər.
Unibankın “UniŞans” layihəsi çərçivəsində müxtəlif ali məktəblərdə 4-cü kursda təhsil alan 4 tələbə bankın təqaüd proqramının qalibi olub. Hər bir tələbəyə 150 AZN məbləğində aylıq təqaüd verilir.
Müştərilərə daha çevik və rahat xidmət göstərmək məqsədi ilə "AtaBank"-ın paytaxtdakı "Nəsimi" filialı yeni ünvana köçüb. Bundan belə bank filialı müştəriləri bu ünvanda qəbul edəcək:
Nəsimi rayonu, Azadlıq prospekti ilə N.Vəzirov küçəsinin kəsişməsi.
Telefon: 440-08-12; 440-07-19 / 95
Hyatt oteldə Azərbaycanın iri banklarından biri olan PAŞA Bank özünün Internet Banking adlı yeni məhsulunun təqdimat mərasimini keçirdi.
1 iyul 2013-cü il tarixindən etibarən "FINCA Azerbaijan" Qeyri-Bank Kredit Təşkilatı Azərbaycanın kapital bazarlarında istiqrazlarının ilk emissiyasını həyata keçirdi. Qiymətli Kağızlar üzrə Dövlət Komitəsi hər birinin nominal dəyəri 1000 AZN olmaqla 10 milyon AZN məbləğində, 3 il ödəmə müddəti ilə 10,000 istiqraz qeydiyyatdan keçirib.
Azərbaycanın ən populyar kredit kartı olan Bolkart sahibləri İnteqralPlus şəbəkəsinə aid olan “Samsung Store” brend mağazasında iyul ayının sonunadək güzəştli alış-veriş edə bilərlər. Samsung şirkətinin ən yeni mallarının satıldığı “Samsung Store” paytaxtın 28 may küçəsi, 42 ünvanında yerləşir. Bolkart sahibləri burada son model mobil telefonlar, o cümlədən Samsung Galaxy S4, audio və video texnika, planşet kompüterlər, müxtəlif aksessuarlar və digər mallar ala bilərlər.
