Unibank Azərbaycan xalqını müqəddəs Ramazan bayramı münasibəti ilə təbrik edir, bol ruzi-bərəkət arzulayır. Avqustun 8-i və 9-nun qeyri-iş günləri olduğunu nəzərə alaraq, Unibank əhalinin bank xidmətlərinə tələbatını daha çevik ödəmək üçün, bayramın sonrakı günü- avqustun 10-da gücləndirilmiş iş rejimində fəaliyyət göstərəcək.
Azərbaycan Beynəlxalq Bankı Bakı və Gəncə şəhərində xidmət olunan müştərilərinə onların rahatlığını təmin etmək məqsədi ilə unikal "R@ndevu" xidmətindən yararlanmağı təklif edir. Bankdan bazar ertəsi Trend-ə verilən məlumata görə, "R@ndevu" xidməti müştərilərə vaxtlarına qənaət etmək, Bankın filiallarında sürətli xidmət olunmaq imkanını yaradan yeni bir xidmətdir.
"R@ndevu" vasitəsilə ABB-nin müştəriləri Banka gəlməmişdən bir gün əvvəl xidmət olunduqları filialda görüş təyin edə biləcəklər.
Azərbaycan Beynəlxalq Bankı (ABB) "Visa İnternational" şirkəti ilə birlikdə "Visa kartı ilə xaricdə ödəniş et və hədiyyə qazan!" kampaniyasına start verdi.
Bankdan bazar ertəsi Trend-ə verilən məlumata görə, yeni kampaniya ABB-nin müştərilərinə Visa kartı ilə ölkənin hüdudlarından kənarda alış-veriş etməklə hədiyyə qazanmaq imkanı verir. Kampaniya 15 iyul tarixindən 15 oktyabra qədər keçirələcək.
1 may – 31 iyul tarixlərində Bank Respublika tərəfindən “Təcili pul lazımdır?” adlı endirim aksiyası keçirildi. Aksiyanın şərtlərinə görə bütün nağd pul kreditləri 2 % endirimlə verilirdi.
24 ay müddətinədək verilən kreditlərin maksimal məbləği 5000 AZN təşkil edirdi. Nağd kreditləşdirmə məhsullarının geniş çeşidindən ən uyğun gələnini seçmək imkanına istehlakçılar biganə qalmadı.
Azərbaycanda ən populyar sosial şəbəkə olan facebook-da “AtaBank”-ın rəsmi səhifəsi bir neçə ay fəaliyyət göstərir. Burada “AtaBank”-ın tətbiq etdiyi yeniliklər, tarif və kampaniyalar, keçirilən sosial layihələr və xidmətlər haqqında ən son xəbərləri almaq mümkündür.Facebook səhifəsi fanlarının ən çox marağına səbəb olan aksiyalar isə burada keçirilən müsabiqələrdir. Qaliblərə bahalı hədiyyələr qazandıran bu cür aksiyalar iştirakçılar tərəfindən həyəcanla izlənir.
“Bank Technique” ASC beynəlxalq ödəniş sistemi MasterCard® ilə Türkiyənin İstanbul şəhərində alış-veriş həvəskarları üçün inanılmaz fürsətlər təklif edirlər. Belə ki, bu ayın sonuna kimi, Bankımızdan MasterCard® kartlarını alan istənilən müştərimiz, həmin müddət ərzində, İstanbul şəhərindəki “İstinye Park” Alış-veriş Mərkəzində və dəbdəbəli Nişantaşı rayonunun Abdi İpekçi prospektindəki butiklərdə alış-veriş edərkən, unikal endirimlərdən faydalana biləcəklər.
İndi Bank Respublika-dan nağd kredit alarkən, kreditin faiz dərəcəsi və komissiya haqqını müştəri özü müəyyən edə bilər. Kreditin rəsmiləşdirilməsi zamanı ödənilən komissiya haqqının bir hissəsi ümumi illik faiz dərəcəsinə əlavə etmək mümkündür. Bu da, krediti rəsmiləşdirərkən istehlakçıların xərclərini azaltmağa imkan yaradır.
İyulun 30-da ölkənin aparıcı banklarından biri olan PAŞA Bankın nizamnamə kapitalının 50 mln. manat və ya təxminən 30% həcmində artması qeydə alıb. Əvvəl 178 mln. manat təşkil edən nizamnamə kapitalının artırılması səhmlərin nominal dəyərinin artırılması yolu ilə həyata keçirilib.
