FİNTEX SAMMİT - MALİYYƏ VƏ TEXNOLOGİYALAR SƏRGİSİ 14-15 may 2020-ci il tarixlərində Bakı şəhərində keçiriləcək. Sammitin mövzusu “Bankçılıq və Ödəniş Ekosistemində Yeni Trendlər: İnnovativ Həllər, Maliyyə Texnologiyaları və Təhlükəsizlik” olacaq.
Bu ilin yanvar ayında Azərbaycan 954 min ABŞ dolları dəyərində 575 ton süd idxal edib.
Dövlət Gömrük Komitəsinin məlumatına əsasən, bu, ötən ilin eyni ayı ilə müqayisədə müvafiq olaraq 106 min dollar (12,4%) çox və 99 ton (14,7%) azdır.
Bu ilin yanvar ayında Azərbaycan 317,1 min ABŞ dolları dəyərində 46,8 ton çay ixrac edib ki, bu da ötən ilin eyni ayı ilə müqayisədə 2,1 dəfə azdır.
Martın 18-də "Unibank" ASC-nin səhmdarlarının növbədənkənar ümumi yığıncağı keçiriləcək.
Yığıncaqda bankın idarəetmə strukturuna daxil olan orqanlarına təyinatların müzakirəsi nəzərdə tutulub.
20 fevral 2020-ci il tarixində Yeni Azərbaycan Partiyasının İcra Katibliyində İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri Zaur Əliyev mətbuat konfransı keçirib.
Ölkəmizdə nağdsız ödəniş ənənələrinin inkişafına daim dəstək verən Azərbaycan Beynəlxalq Bankı bu məqsədlə daha bir yeniliyə imza atıb.
Bank, ödənişlərini nağdsız aparmağı sevən müştərilər üçün restoran və kafelərdə hesabdan əlavə bəxşişləri də kart vasitəsilə ödəmək imkanı yaradıb.
SOCAR, "ExxonMobil" və "Royal Dutch Shell" şirkətləri koronavirusla əlaqədar olaraq dünyanın ən böyük neft sənayesi görüşlərindən biri sayılan – London Beynəlxalq Neft Həftəsində ("International Petroleum Week") iştirakdan imtina edən neft şirkətlərinin siyahısına qatılıb.
"Alfa Aqro" MMC və "Binə Aqro" MMC şirkətləri təşkilati-hüquqi formanı dəyişərək Qapalı Səhmdar Cəmiyyətinə (QSC) çevrilərək yenidən təşkil olunduqlarını elan ediblər.
Hər iki MMC-nin hüquq və öhdəlikləri təhvil aktı üzrə QSC-yə ötürülür.
Bu ilin yanvar ayında Azərbaycan 1 milyon 792 min ABŞ dolları dəyərində 2 min 966 ton düyü idxal edib.
Dövlət Gömrük Komitəsinin aylıq hesabatına görə, bu, ötən ilin eyni ayı ilə müqayisədə müvafiq olaraq 1 milyon 711 min dollar (48,9%) və 1612 ton (35,2%) azdır.
Dollar virus narahatlıqları ilə mühüm bazar valyutaları qarşısında dörd ayın ən yüksək səviyyəsinə yüksəlib.
