ABŞ və Çin arasındakı ticarət danışıqlarının Oktyabr ayının əvvəlində Vaşinqtonda baş tutacağı bildirilib.
Çin Ticarət Nazirliyi tərəfindən verilən açıqlamaya görə, Çin Baş nazirinin müavini Liu He-nin ABŞ-ın Xəzinə naziri Steven Mnuchin və ABŞ Ticarət nümayəndəsi Robert Lighthizer ilə telefonda danışıb.
Rusiya Taxıl Şirkəti, Türkiyəyə ilk dəfə Rusiya rublu ilə taxıl satacağını açıqlayıb.
Rusiya Taxıl Şirkətindən verilən açıqlamada, şirkətə bağlı "Grain Export SA"nın Türkiyəyə 60 min ton taxıl satışına dair tenderi qazandığı qeyd olunub.
Azərbaycan Respublikası Dövlət Neft Fondu (ARDNF) valyuta satışı ilə bağlı son açıqlamasında, Fond tərəfindən 2019-cu ilin avqust ayı ərzində 815,4 milyon ABŞ dolları məbləğində vəsait satıldığı qeyd edilib. ARDNF tərəfindən 2019-cu ilin iyul ayı ərzində 434,9 milyon ABŞ dolları məbləğində vəsait satılıb. Beləliklə, İyul ayı ilə müqayisədə Avqustda valyuta satışı 2 dəfəyə yaxın artıb. Həmçinin, Avqust ayındakı satış 2019-cu ilin rekordudur.
İqtisadi İslahatların Təhlili və Kommunikasiya Mərkəzində Strateji yol xəritələrinin 2019-cu ildə icra vəziyyətinə dair müzakirələrə start verilib. İlk olaraq “Milli iqtisadiyyat perspektivi üzrə Strateji Yol Xəritəsi” üzrə bu il görülən işlərin icraçı qurumlarla birlikdə müzakirəsi aparılıb.
Xəzərin Azərbaycan sektorunda yerləşən "Azəri-Çıraq-Günəşli" (AÇG) yataqlar blokundan və "Şahdəniz" yatağından 2008-2018-ci illərdə 390,8 mln. neft və qaz kondensatı hasil edilib. Energetika Nazirliyindən verilən məlumata görə, ötən dövr ərzində AÇG neft-qaz blokundan 367 mln. ton neft çıxarılıb. Aparılan hesablamalara əsasən, son 11 ildə “Şahdəniz” qaz-kondensat yatağından 23,8 mln. ton kondensat hasil edilib.
Azərbaycan 2019-cu ilin əvvəlindən etibarən Rusiya Federasiyasının Ulyanovsk vilayətindən taxılın ən iri idxalçısı olub.
Bu barədə Rusiya KİV-ləri xəbər verir.
Azərbaycan Respublikasının Prezidenti cənab İlham Əliyev 2019-cu il avqust ayının 28-də “Avtomobil Nəqliyyatı haqqında” Azərbaycan Respublikasının Qanununda dəyişiklik edilməsinə dair tarixi fərman imzalayıb.
İranın tanınmış iqtisadi mütəxəssislərindən, Şəhid Beheşti Universitetinin İqtisadiyyat kafedrasının müəllimi Doktor Səid Leylaz, İranda 50 ildən bəri hər il 10-20 milyard dollar sərmayənin ölkə xaricinə çıxdığını bildirərək, "Bu səbəbdən nə qədər istehsal etsək də edək, əldə bir şey qalmır", -ifadəsini istifadə edib.
4 sentyabr 2019-cu il tarixində Bakı Fond Birjasında Azərbaycan Respublikasının Mərkəzi Bankının (AMB) 50101976S dövlət qeydiyyat nömrəli, 200 milyon manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilmişdir.
İqtisadiyyat naziri Şahin Mustafayev Türkdilli Dövlətlərin Əməkdaşlıq Şurasının (TDƏŞ) baş katibi Bağdad Amreyevlə görüşüb. Nazirlikdən verilən məlumata görə, nazir Azərbaycanın şura üzvü olan ölkələrlə əlaqələrinin yüksək səviyyədə olduğunu, əməkdaşlığın müxtəlif sahələrdə inkişaf etdiyini qeyd edib. O, 2018-ci ildə qarşılıqlı ticarət dövriyyəsinin 29 faiz, bu ilin yanvar-iyul ayı ərzində isə 32 faiz artdığını bildirib.
