ƏDV məqsədləri üçün görülən işlərin, göstərilən xidmətlərin yerindən asılı olaraq vergitutmanın ayrı-ayrı halları tətbiq edilir. Bəzən elə əməliyyat olur ki, o, faktiki olaraq Azərbaycan Respublikasının hüdudlarından kənarda həyata keçirilir, lakin Vergi Məcəlləsinə görə, həmin əməliyyat Azərbaycan Respublikasında həyata keçirilmiş sayılır və vergiyə cəlb edilir. Mövzunu iqtisadçı ekspert Anar Bayramov şərh edir.
Braziliyanın vergi administrasiyası hazırda Fransanın "Paris Sen-Jermen" klubunda oynayan məşhur futbolçu Neymarın əmlakına həbs qoyub. "Bu, təminat tədbiridir. Normal təcrübə hesab edilir. Əmlak əvvəlki kimi öz sahibinə məxsusdur", - futbolçunun vəkili Markus Neder mətbuat üçün açıqlmasında bildirib.
Ölkənin maliyyə bazarlarında son zamanlar ticarətin kəskin şəkildə azalması ilə əlaqədar olaraq Tayvan hökuməti təcili tədbirlər görmək niyyətindədir. Maliyyə bazarının canlandırılmasını stimullaşdırmaq məqsədilə Maliyyə Nəzarəti Komissiyası investorların ödədikləri vergilərin dərəcələrini azaltmağı tövsiyə edib. Qanun layihəsi artıq yekun variantda hökumətə təqdim edilib.
Vergi Məcəlləsinin 161.1-ci maddəsinə görə, vergi tutulan əməliyyatın dəyəri vergi ödəyicisinin müştəridən və ya hər hansı digər şəxsdən aldığı, yaxud almağa hüququ olduğu haqqın ƏDV nəzərə alınmadan məbləği (yol vergisi istisna olmaqla, digər vergilər, rüsumlar və ya başqa yığımlar da daxil olmaqla) əsasında müəyyən edilir. Bu maddədə ilk baxışda dəyərin formalaşmasının sadə olduğu görünsə də, məsələyə dərindən yanaşanda müəyyən suallar üzə çıxır.
İqtisadi Əməkdaşlıq və İnkişaf Təşkilatının Baş katibi Angel Qurria "Google", "Apple", "Facebook" ve "Amazon" kimi internet nəhənglərinin vergiyə cəlb olunmasının 2020-ci ilin sonuna qədər hüquqi əsaslara keçiriləcəyini bidirib: "Bundan sonra inkişaf etməkdə olan ölkələr yığa bilmədikləri vergiləri yığmağa başlayacaqlar".
Fərdi sahibkar kənd təsərrüfatı məhsulunun istehsalı ilə məşğul olur. Onun istehsal etdiyi tərəvəz bazarda satılır. Bu halda fərdi sahibkar vergidən azad olunmuş gəlirlərinə görə vergi orqanına bəyannamə təqdim etməlidirmi? Bəyannamə təqdim etmədiyi təqdirdə, ona hər hansı cərimə nəzərdə tutulurmu?
Paris İnzibati Apelyasiya Məhkəməsi ABŞ-ın "Google" korporasiyasının Fransa dövlətinə 1,1 milyard avro məbləğində vergi ödəməkdən azad olunması ilə bağlı bundan əvvəl qəbul edilmiş qərarı qüvvədə saxlayıb.
Müasir dünyada "kölgə iqtisaiyyatı" ən çox narahatlıq doğuran məsələlərdəndir. Çünki "kölgə iqtisadiyyatı"nın səviyyəsinin qəbul edilmiş normalardan yuxarı olması bütövlükdə iqtisadiyyata və sosial institutların fəaliyyətinə böyük zərbə vurur. Mövzu ilə bağlı suallarımıza millət vəkili Tahir Mirkişili aydınlıq gətirib.
Bu ilin yanvar-mart aylarında Azərbaycanda fəaliyyət göstərən 30 bankdan 3-nün qeyri-faiz gəlirləri 20 milyon manatdan çox olub.
Bunlar "Kapital Bank" (36,038 milyon manat), "Azərbaycan Beynəlxalq Bankı" (29,382 milyon manat) və "Access Bank"dır (22,388 milyon manat).
Azərbaycanda fəaliyyət göstərən 30 bankdan 12-nin bu ilin yanvar-mart aylarındakı qeyri-faiz gəlirləri ötən ilin eyni dövrünə nisbətən az olub.
