Artıq bir çox insanın plastik kartı var. İnsanlar plastik kartın imkanlarından yararlanmağı sevirlər, çünki bu pulla istifadəni daha rahat bir hala gətirir. Kİmisi bu xidmətdən online ödənişlər üçün istifadə edirsə,kimisi də pulunu mühafizə etmək üçün plastik kartlara müraciət edir.  

Həmçinin bax: Debet kartların balansındakı qalığa hesablanan depozit faizləri - YENİ 2022

Bəs bilirdinizmi ki, bəzi kartlarda bu iki xidmətdən yararlanarkən kartınızdakı qalıq məbləğə faiz hesablana bilər. Bu kartlar debet kart növünə daxildir və eyni zamanda depozit imkanlarını da təqdim edir. 

Qeyd edək ki, debet kart mal və xidmətlər üzrə ödənişlər etmək, bankomatlarda nağd pulların çıxarılması üçün istifadə olunan bank ödəniş kartıdır. Debet kartların əsas funksiyası, tədavüldə olan kağız pulların əvəzlənməsi və müştərinin öz vəsaitləri ilə nağdsız ödənişlərin aparılmasından ibarətdir. Bu kartlar vasitəsilə  dünyanın istənilən nöqtəsində, həm bankomatlardan nağd pul çıxara, həm də ticarət mərkəzləri və mağazalarda ödənişlər aparıla bilər.

Ölkəmizdə faiz qazandıran debet kartlar bunlardır:

"mycard" - Accessbank

Depozit və debet kartlarının xüsusiyyətlərini özündə birləşdirən və eyni zamanda əlavə üstünlüklərə malik olan beynəlxalq kartdır.

mycard ilə Siz dünyanın istənilən ölkəsində alış-veriş edə və öz vəsaitinizdən əlavə qazanc əldə edə bilərsiniz.

mycard ilə ATM, POS terminal və internet olan hər yerdə ödəniş etmək mümkündür. 

Nağdlaşdırma faizi - 0 %

Üstünlüklər:

• mycard la edilən ödənişlərə AccessQazanc proqramı çərçivəsində cash back xidməti tətbiq olunur. 
• Bu xidmətsayəsində AccessBank-ın kartı ilə edilən ödənişlərin bir hissəsi müştərinin kartına geri qayıdır; 
• SMS-Bankinq və İnternet-Bankinqə xidmətlərindən 1 illik pulsuz istifadə öz hesablarınıza 24/7 rejimində nəzarət və idarə etmə imkanı yaradır; 
• Card-to-card xidmətindən istifadə bankomat vasitəsilə kartdan karta operativ şəkildə pulköçürmə etməyə şərait yaradır; 
• 3D Secure xidmətinə qoşulma bank kartı ilə edilən onlayn-ödənişlərin təhlükəsizliyini yüksək səviyyədə təmin edir.

"Fankart" - Amrahbank

Amrahbank müştərilərinə əməkdaşlıq etdiyi “Neftçi” futbol klubunun korporativ stilinə uyğun olaraq, nəfis dizaynla hazırlanmış  Fankart adlı yeni plastik kartlarını təqdim edir. 

“Amrahbank”ın Fan kartlarının üstünlükləri: Kart sahibləri arasında “Neftçi” futbol klubunun oyunlarına uduşlar, onlayn ödənişlər, ticarət obyektlərində və kommunal ödəmə nöqtələrində nağdsız ödənişlər, bankomatlardan nağd vəsaitin əldə olunması, SMS xəbərdarlıq, İnternet bank, Card-ro-card, mobilbank xidmətləri

Qeyd: “Neftçi”  fankart sahibləri arasında vaxtaşırı olaraq stimullaşdırıcı aksiyalar da keçiriləcəkdir. Aksiyada Fankart sahiblərinə “Neftçi” futbol klubunun xüsusi prizləri təqdim olunacaqdır.

"Yubiley" Kart - Amrahbank

Amrahbank ASC yaranma tarixinin 20 illik yubileyi münasibıtilə yeni Visa Classik, Visa Gold və Mastercard Platinum kart sahiblərinə plastik kart hesabının qalığına illik 5 faiz gəlir təklif  edir.

Üstünlükləri: Kart hesabının qalığına illik gəlirin hesablanması, Onlayn ödənişlər, Ticarət obyektlərində və kommunal ödəmə nöqtələrində nağdsız ödənişlər, Bankomatlardan nağd vəsaitin əldə edilməsi, SMS xəbərdarlıq, İnternet bank, Card- to-card, Mobil-bank xidmətləri.

Kartlar üçün ilkin mədaxil kart hesabının valyutasında tətbiq edilir.

"GəncKart" - Bank Standard

Sizin yaşınız 18-35 aralığındadırsa bu kartın sahibi ola bilərsiniz.   

• "GəncKart"  öz sahibinə əlavə olaraq qazanc gətirir – gündəlik məbləğinin üzərinə illik 6% gəlir!
• "GəncKart" sahiblərinin həmçinin onlar üçün keçirilən bir çox aksiyalarda iştirak etmək imkanları olacaq.
• "GəncKart" digər ödəniş kartları kimi, istər Azərbaycanda, istərsə də xaricdə mal və xidmət haqlarının ödənilməsi və nağd pulun çıxarılması üçün istifadə oluna bilər.
• "GəncKart"ı manat və ya ABŞ dollarında sifariş vermək olar.
• Faizlərin hesablanması üzrə kart hesabında maksimal qalıq balans 10 000 AZN/USD təşkil edir.
• Bankın bankomatlarından nağdlaşdırma 1%, digər bankomatlardan isə 1,5% təşkil edir.
• Doğum günündən 2 gün əvvəl və ya sonra müraciət edənlərə 1 illik pulsuz təqdim edilir.

"Kartmane" - Rabitəbank

• ​​​​Hesab qalığını istədiyiniz vaxt, istədiyiniz məbləğə artıra bilisiniz.
• Kartdan-karta xidmətindən (Card-to-Card) istifadə etməklə hesabınızı 7 gün 24 saat ərzində banka gəlmədən Rabitəbankın və ya digər bankların bankomatlarından, eləcə də İnternet Bankçılıq xidmətinə qoşulmaqla İnternet vasitəsilə həyata keçirə bilərsiniz
• Bankın bankomatlarından nağdlaşdırma faizi tutulmur.
• Hesabda qalıq 100 AZN/USD-dən az olarsa faiz hesablanmır.
• Online alış-verişlərdə istifadə oluna bilər (mərc oyunları istisna olmaqla)

"Albalı Plus" - Debet - Unibank

• “Albalı Plus”  debet kartı istifadəçilərinə  dünyanın hər bir nöqtəsində POS-terminal olan mağazada alış-veriş etmək və ya onlayn şəkildə  daha  rahat və daha təhlükəssiz ödəniş etmək imkanını yaradır. 
•  “Albalı Plus” debet kartına sahibi kartdan şəxsi vəsaitini Unibank bankomatlarından heç bir faiz ödəmədən nağdlaşdıra bilir. Çünki “Albalı Plus”  debet kartı üzrə nağdlaşdırma komissiyası  0 %  təşkil edir.
• “Albalı Plus”debet kartı  unikal depozit imkanlı kartdır. Kartda AZN, USD valyutasında vəsait saxlayan müştərilər reytinqindən asılı olaraq,  illik 6%-dək gəlir əldə edəcəklər.
• Kartın istifadə müddəti 3 ildir

Bu kartlara sahib olmaq istəyənlər ,  kartlarının hansı bəynəlxalq  ödəniş sisteminə aid olmasını özləri seçə bilirlər. Həm Visa,  həm də MasterCard  ödəniş sistemində sifariş etmək mümkündür.