"Ziraat Bank Azərbaycan" müsbət artım dinamikasını 2023-cü il ərzində də davam etdirib. Belə ki, bank 2023-cü ildə 8,5 milyon manat xalis mənfəət əldə edib. Bu isə 2022-ci ilə nisbətən 12,6% çoxdur.
Banco.az bankın maliyyə hesabatına istinadən xəbər verir ki, bu dövrdə "Ziraat Bank Azərbaycan"ın aktivləri 107 milyon 785 min manat və ya 20,4% artaraq 636 mln. manatı ötüb.
Hesabat ilində bankın kredit portfeli də illik müqayisədə 73,4 milyon manat və ya 23,1% artaraq 391 milyon manata yaxınlaşıb. Bankın depozit portfeli isə 411 manatı ötüb ki, bu da 2022-ci ilin sonu ilə müqayisədə 29,5% və ya 93,6 milyon manat artımdır.
Bizi sosial şəbəkələrdən izləyin!!
