Müəllif:Mehin Qasımova/Banco.az
Yaponiya texnologiya nəhəngi "Rakuten" öz süni intellekt (AI) modelini təqdim etməyi planlaşdırır.
Banco.az xəbər verir ki, bu barədə şirkətin rəhbəri Hiroşi Mikitani bildirib.
Mikitani bildirib ki, şirkət bankçılıqdan elektron ticarətə, telekommunikasiyaya qədər geniş çeşidli biznesləri sayəsində öz modelini öyrətmək üçün əhəmiyyətli miqdarda unikal məlumatlardan istifadə edə biləcək.
"Heç kim belə bir məlumat toplusuna malik deyil"-, deyə menecer qeyd edib.
Məlumata görə, "Rakuten" əvvəlcə öz əməliyyat səmərəliliyini artırmaq, marketinqi optimallaşdırmaq üçün süni intellekt modelindən istifadə etmək və daha sonra onu digər şirkətlərə təqdim etmək niyyətindədir.
"Rakuten" yaxın bir neçə ay ərzində bu model haqqında rəsmi açıqlama verəcək.
Bizi sosial şəbəkələrdən izləyin!!
