Müəllif: Tamara Mustafayeva, Banco.az
Yaponiya və ABŞ elmi-tədqiqat və inkişaf əməkdaşlığı üzrə razılığa gəliblər.
Banco.az xəbər verir ki, Yaponiya və ABŞ 5G şəbəkələrinin hüdudlarını da keçəcək telekommunikasiya texnologiyasının inkişafı üzrə daha sıx əməkdaşlıq etmək barədə razılığa gəliblər.
Yaponiyanın Daxili işlər və Kommunikasiya naziri Matsumoto Takeaki çərşənbə axşamı Vaşinqtonda ABŞ Ticarət nazirinin müavini Don Qreyvs ilə görüş keçirib.
Görüş zamanı rəsmilər Çinin öz texnologiyaları ilə sürətlə irəlilədiyi bir sahə olan informasiya və kommunikasiya sahəsində birgə əməkdaşlığı müzakirə ediblər.
Müzakirələr nəticəsində Matsumoto Takeaki və Don Qreyvs müxtəlif bizneslər üçün pulsuz və açıq internet məkanı yaratmaq üzrə birgə işləmək barədə razılığa gəliblər.
Görüşdən sonra açıqlama verən Matsumoto iki ölkə arasındakı əməkdaşlığın "ortaq dəyərlərə, o cümlədən insan hüquqlarına əsaslanan" kommunikasiya texnologiyaları üçün beynəlxalq standartların inkişafında əhəmiyyətli olduğunu söyləyib.
Bizi sosial şəbəkələrdən izləyin!!
