Müəllif: Tamara Mustafayeva, Banco.az
Yaponiya ABŞ investisiyalarını artırma ehtimalını açıqlayıb.
Banco.az xəbər verir ki, Yaponiya İqtisadi Canlandırma Naziri Ryosei Akazava 13 avqust tarixində bir televiziya proqramında çıxış edərək, 550 milyard dollarlıq ABŞ fonduna ediləcək investisiyanın kredit və kredit zəmanətlərindən kənar investisiya hissəsinin ilkin göstərilən 2%-lik göstəricidən yüksək ola biləcəyini bildirib.
İyul ayının sonunda razılaşdırılmış Yaponiya-ABŞ ticarət sazişinin vacib elementini təşkil edən bu fonda toxunan Akazava deyib ki, keçmiş təcrübələrə baxıldığında investisiya 1-2% arasında olardı, lakin ABŞ daha çox risk götürərsə, bu investisiya səviyyəsini artırmaq mümkün ola bilər. Fondla bağlı ABŞ və Yaponiyadan gələn açıqlamalardakı fərqlərə də toxunan Akazava çox güman ki, ortaq məxrəcə gələcəklərini qeyd edib.
Bundan əlavə, Akazava ABŞ-ın verdiyi sözləri yerinə yetirməməsi halında Yaponiya investisiyasını ala bilməyəcəyini də vurğulayıb.
Bizi sosial şəbəkələrdən izləyin!!
