Müəllif: Mehin Qasımova, Banco.az
Süni intellektin sürətli inkişafı son iki ildə texnologiya dünyasında görünməmiş sərvət artımına gətirib çıxarıb.
Banco.az xəbər verir ki, dəyəri 1 milyard dollardan çox olan süni intellekt şirkətlərinin sayı 498-ə çatıb. Bu şirkətlərin ümumi bazar dəyəri isə 2,7 trilyon dollar olaraq qiymətləndirilir.
"Nvidia", "Meta" və "Microsoft" kimi süni intellekt mərkəzli nəhənglərin səhm qiymətlərindəki kəskin artım, məlumat mərkəzləri və hesablama gücü təmin edən infrastruktur şirkətlərinin böyüməsi, eləcə də AI mühəndislərinə verilən yüksək maaşlar bu sərvət artımını dəstəkləyən əsas amillərdir.
Görkəmli nümunələrdən biri OpenAI-dan ayrıldıqdan sonra Thinking Machines Lab-ı quran Mira Muratidir. O, 2025-ci ilin fevralında təsis etdiyi startap üçün iyul ayında 2 milyard dollar investisiya cəlb edib və şirkətin dəyəri 12 milyard dollara yüksəlib.
Digər tərəfdən, "Anthropic" süni intellekt şirkəti 170 milyard dollar dəyərində qiymətləndirmə ilə 5 milyard dollarlıq yeni investisiya raundu üçün danışıqlar aparır.
"OpenAI" isə işçilərinə nağd pul təmin etmək məqsədilə 500 milyard dollar dəyərində ikinci dərəcəli səhm satışı planlaşdırır. Şirkət, 2023-cü ildən bəri birləşmələr, satınalmalar, IPO-lar və əks birləşmələr daxil olmaqla 73 likvidlik əməliyyatı həyata keçirib.
