Müəllif:Gülbəniz Hüseynli/Banco.az
Rusiyaya xaricdən gətirilən spirtin qiyməti bahalaşa bilər.
Məlumata görə, Rusiyaya xaricdən gətirilən alkoqolun qiymətləri, markalanma ölkəsinin dəyişdirilməsi ilə əlaqədar 30%-ə qədər arta bilər. Azərbaycan da Rusiyaya alkoqol ixrac edən ölkələr sırasındadır:
Banco.az xəbər verir ki, Dövlət Statistika Komitəsinin məlumatına görə, 2022-ci ildə Rusiyaya ixrac etdiyi alkoqollu içkilərin həcmini 10 dəfədən çox artırıb.
Ölkədən şimal qonşuya ümumilikdə 10.59 milyon dollar həcmində alkoqollu içki ixrac edilib. 2023-cü ilin yanvar-iyul aylarında ölkədə 733,5 min dekalitr araq, 3 milyon 225,4 min dekalitr pivə istehsal olunub ki, illik müqayisədə araq istehsalı 9,4 faiz, pivə istehsalı 14 faiz artıb.2023-cü ilin birinci yarısında Azərbaycandan Rusiyaya ümumilikdə 6 milyon 342 min dollar dəyərində alkoqollu içkilər ixrac edilib ki, bu da ötən ilin eyni dövrü ilə müqayisədə 3,5 dəfə çoxdur. Bu ilin 6 ayında ümumilikdə ölkəmizdən 247,3 min dekalitr həcmində alkoqollu içkilər Rusiyaya göndərilib ki, bu da ötən ilin eyni dövrü ilə müqayisədə 2,7 dəfə çoxdur.
Dövlət Statistika Komitəsinin məlumatına görə, 2023-cü ilin birinci yarısında Azərbaycandan 126,45 min dekalitr həcmində tutumu 2 litr və ya daha az həcmli qablarda digər təbii üzüm şərabları Rusiyaya ixrac edilib ki, bunun da dəyəri 2 milyon 518,42 min dollardır. 2023-cü ilin birinci yarısında ölkəmizdən Rusiyaya 2 milyon 425,6 min dollar dəyərində 70,94 min dekalitr həcmində viski ixrac edilib.
Bizi sosial şəbəkələrdən izləyin!!
