Kiberhücum üzündən gün ərzində baş verən boşdayanma banka 50 milyon rubla başa gələ bilər. Positive Technologies araşdırma mərkəzinin “Təhlükəsizlik neçəyə başa gəlir” araşdırma sorğusunun gedişində Rusiya kredit təşkilatlarının 30%-i itkilərin həcmini bu gədər qiymətləndirmişdir.
Sorğuda iştirak edən digər banklar korporativ infrastrukturun işinin dayanması üzündən, başqa sözlə sistemin işinin imtinası üzündən 1 gün ərzində dəyən ziyanı belə dəyərləndirmişlər: sorğuda iştirak edənlərin 7%-i ziyanı 10-50 milyon rubl, 25%-i 2-10 milyon rubl aralığında, yerdə qalanların 38%-i dəymiş ziyanı 0,5-2 milyon rubl həcmində dəyərləndirmişlər.
Kiberinsident nəticəsində birbaşa maliyyə itkisi ilə yanaşı Positive Technologies domenin bütün resursunun sıradan çıxmasından sonra korporativ infrastrukturun bərpasına çəkilən xərcləridə hesablamışdır. Bankların 12%-i bərpa üçün 10-50 milyon rubl vəsait tələb olunduğunu, hər üç bankdan biri(33%) isə infrastrukturun bərpası məqsədilə 2-10 milyon civarında xərc çəkməyə hazır olduqlarını bildirmişlər.
Araşdırmada iştirak edən bir çox banklar informasiya təhlükəsizliyinin təmin olunması məqsədilə büdcə vəsaitlərinin artımı ilə seçilir və onlar bu məqsədlə 80-150 milyon rubl xərclədiklərini söyləyirlər. Müqayisə üçün bildiririk ki, maliyyə təşkilatlarının əksəriyyəti bu məqsədlə büdcələrini məhdudlamaqla 20-40 milyon rubl vəsait xərcləyirlər.
Araşdırma onu da üzə çıxarmışdır ki, bank sektoru yeganə sektordur ki, şirkətlərin 100%-i informasiya təhlükəsizliyin əsaslarını əməkdaşlarına öyrədirlər. Sorğuda iştirak edən bankların 53%-i bankların verilənlərin bazasının oğurlanmasını daim əsas təhdidlərdən biri olduğunu bildirmişlər.
Mənbə: digitalazerbaijan.az/
