"Rabitəbank"ın rəhbərinin sabiq müavini yerli BOKT-lardan birinin rəhbərliyinə gətirilib | Banco.az

"Rabitəbank"ın rəhbərinin sabiq müavini yerli BOKT-lardan birinin rəhbərliyinə gətirilib

“Rabitəbank” ASC-nin İdarə Heyətinin sabiq sədr müavini Turan İsmayılov “Finoko” bank olmayan kredit təşkilatının (BOKT) baş direktoru təyin edilib.

Banco.az  "APA-Economics"ə istinadən xəbər verir ki, bu barədə T. İsmayılov özü məlumat verib.

T. İsmayılov bildirib ki, o, yeni iş yerində vəzifəsinin icrasına cari ilin avqust ayından etibarən başlayıb.

Ən sərfəli kredit üçün müraciət et

Qeyd edək ki, T. İsmayılov 2007-ci ildən yeni təyinata qədər “Rabitəbank”da çalışıb. O, “Rabitəbank”dan əvvəl “Parabank” ASC-də İdarə Heyətinin sədr müavini vəzifəsində və Almaniya - Azərbaycan Fondunda (GAF) məsləhətçi vəzifəsində işləyib.

T. İsmayılov "Xəzər" Universitetinin Maliyyə fakültəsini bitirib və ABŞ-ın Texas Texniki Universitetinin “Lawrence College”də təhsil alıb.

Ən sərfəli krediti almaq üçün müraciət et