5 Avqust 2024-cü il tarixində “Rabitəbank” ASC-nin yeni debet və kredit kartlarına tətbiq edilməsi üçün elan olunan “Digital Card Skins“ dizayn müsabiqəsinin qaliblərinin mükafatlandırma mərasimi keçirilib.
Müsabiqənin təşkil edilməsində məqsəd qrafik-dizayn sahəsində istedadları aşkar edərək onların ölkədə tanıdılmasına şərait yaratmaq və bu sahəyə olan marağı artırmaq olub.
Görüş zamanı bankın İdarə Heyəti sədrinin 1-ci müavini Orhan Gültekin çıxışında qeyd edib ki, Rabitəbank öz sosial korporativ proqramı çərçivəsində davamlı şəkildə istedadlı gənclərə dəstək olur, onların gələcək karyeralarında mühüm rol oyanacaq təcrübə qazanmaq imkanını yaradır.
Daha sonra münsiflər heyəti tərəfindən seçilən 3 işin qalibi mükafatlandırılıb.
I yerin qalibi Rəsul Vəlizadə hazırladığı dizayn nümunələri Azərbaycan dahiləri və milli musiqi alətlərinin, II yerin qalibi Aydan Süleymanzadə Azərbaycanın və dünyanın tanınmış incəsənət nümayəndələrinin, görkəmli şəxsiyyətlərin, III yerin qalibi Fərid Ələmdərovun dizayn nümunələri isə Bakı şəhərinin tarixi və müasir memarlıq abidələri ilə təbiət ünsürlərinin vəhdətini özündə əks etdirib.
I yerin qalibinə 2000 manat və 1 illik Kartmane Visa Infinite Premium debet kartı;
II yerin qalibinə 1000 manat və 1 illik Kartmane MC Black Edition debet kartı;
III yerin qalibinə 500 manat və 1 illik Kartmane debet kartı hədiyyə edilib.
Qeyd edək ki, qalib olan dizaynlar “Rabitəbank” ASC-yə məxsus olan kartların Apple Pay və Google Pay-ə əlavə olunmuş dijital görüntüsündə öz əksini tapacaq.
Müsabiqə ilə bağlı təəssüratlarını bölüşən qaliblər yarışmanın yeni istedadların ortaya çıxarılması və təşviqi baxımından böyük bir fürsət olduğunu bildirərək təşkilatçılara təşəkkür ediblər.
.png)
.JPG)
.png)
.png)
Bizi sosial şəbəkələrdən izləyin!!
