Qlobal qızıl qiymətləri hər gün bahalaşmaqda davam edir.
Banco.az xəbər verir ki, ötən gün ilk dəfə bir troya unsiyası üçün 4100 dolları ötdükdən sonra oktyabrın 16-da qızıl 4250 dolları ötüb. Rekord həddi 4254,80 dollar olub.
Son günlər qiymətli metal qiymətlərindəki ardıcıl artım ABŞ və Çin arasında artan ticarət gərginliyi fonunda davam edir .
Konkret olaraq, dünən bir daha Pekindən idxal olunan mallara üçrəqəmli tariflərin tətbiqindən danışan ABŞ prezidenti Donald Tramp Çinlə ticarət müharibəsi elan edib .
ABŞ hökumətinin ziddiyyətli bəyanatları dolları zəiflətməkdə və qızıl qiymətlərini yüksəltməkdə davam edir.
