Müəllif:Mehin Qasımova, Banco.az
Qızıl Tramp tariflərindən sonra yeni rekorda imza atıb.
Banco.az xəbər verir ki, tarif xəbərlərindən sonra qızılın unsiyası 3167 dollar olmaqla yeni rekord səviyyəyə çatıb.
ABŞ prezidenti Donald Tramp bütün idxal məhsullarına 10 faiz əlavə gömrük rüsumunun tətbiq ediləcəyini açıqlayıb, eyni zamanda bir çox rəqib və müttəfiq ölkələrə əlavə gömrük rüsumları tətbiq edəcək. Avropa İttifaqı (Aİ) və Çin artan gömrük rüsumlarına cavab verəcəklərini bəyan ediblər.
Artan gömrük rüsumları səbəbiylə inflyasiyanın sürətlə artacağı və iqtisadi inkişafın yavaşlayacağı düşünülsə də, ölkələrin bir-birinə verəcəyi cavablar səbəbiylə ticarət müharibəsinin qızışacağına dair narahatlıqlar var. Ağ Evdən verilən açıqlamaya görə, artıq Çinə 20 faiz gömrük rüsumu tətbiq edən ABŞ bunun üzərinə əlavə 34 faiz gömrük rüsumu tətbiq edəcək. Aİ-yə 20 faiz, Yaponiyaya isə 24 faiz əlavə gömrük rüsumları tətbiq olunacaq.
