Müəllif: Tamara Mustafayeva, Banco.az
“Qazprom” Sibirin Gücü boru kəməri ilə Çinə gündəlik təbii qaz nəqlinin rekord qırdığını bildirib.
Banco.az xəbər verir ki, Rusiyanın enerji şirkəti "Qazprom"dan verilən açıqlamaya görə, dekabrın 7-də Çinə müqavilə öhdəliklərindən 16,1 faiz çox təbii qaz nəql edilib.
Beləliklə də, Sibirin Gücü ilə daşımalarda gündəlik rekordun əldə olunduğu vurğulanan açıqlamada daşınmanın “Qazprom” ilə Çinin “CNPC” şirkəti arasında uzunmüddətli təbii qaz müqaviləsi çərçivəsində həyata keçirildiyi bildirilib.
Xatırladaq ki, Avropanın bir çox ölkəsi Rusiyadan qaz alışını tamamilə dayandırıb, bəzi ölkələr isə alış həcmini azaldıb.
Bizi sosial şəbəkələrdən izləyin!!
