Müəllif - Aida İsaq, Banco.az
Polşa avronun xeyrinə milli valyutadan imtina olunmasına şərait yaratmamalıdır.
Banco.az xəbər verir ki, bu fikirləri Polşa mərkəzi bankının sədri Adam Qlapinski səsləndirib. Bank rəhbəri Polşa zlotisinin suveren pul siyasəti aparmağa imkan verən çoxsaylı üstünlüklərə sahib olduğunu vurğulayıb. Eyni zamanda milli valyutanının ölkə iqtisadiyyatında qazanılan uğurların əsas tərkib hissələrindən biri olduğunu qeyd edib.
Qeyd edək ki, daha öncə Polşa ölkənin avroya keçidə hələ hazır olmadığını bəyan edib. Xüsusilə, respublikanın hakimiyyət orqanları avroya keçidin ölkənin Avropa İttifaqına daxil olması ilə bağlı sazişdə nəzərdə tutulduğunu, lakin bu prosesin vaxtının dəqiqləşdirilmədiyini diqqətə çatdırıb.
Bizi sosial şəbəkələrdən izləyin!!
