Müəllif: Tamara Mustafayeva, Banco.az
"OpenAI" fiziki məhsul bazarına daxil olub.
Banco.az xəbər verir ki, “OpenAI” rəqəmsal dünyadakı istehsal gücünü bu dəfə fiziki məhsullara daşıyır.
Böyük dil modelləri və generativ süni intellekt alətləri ilə tanınan şirkət ilk açıq məhsul təqdimatı ilə pərakəndə satış sahəsinə daxil olub.
Şirkətin “OpenAI Supply Co.” adı ilə açdığı mağaza “OpenAI”ın 10 illik yubileyinə təsadüf edən 2025-ci ilin dekabr ayında istifadəyə verilib. Bu günə qədər “OpenAI” loqolu geyim və kolleksiya məhsulları əsasən şirkət əməkdaşları və məhdud sayda tədbirlər üçün istehsal olunurdu. Bu addım isə brendin ilk dəfə birbaşa istehlakçı ilə görüşməsini təmin edib.
10 illiyə xüsusi hazırlanmış kolleksiya 10 məhsuldan ibarət olsa da, mağazadakı ümumi məhsul sayı təxminən 120-yə çatır. Məhsul çeşidinə köynək və papaq kimi klassik merchandising məhsulları ilə yanaşı, yemək boşqabı, “GPT-5” və “Sora” kimi “OpenAI” layihələrindən ilhamlanan Pokémon üslublu kolleksiya kartları və diqqətçəkən şəkildə bir paket sarımsaq da daxildir. Bu müxtəliflik brendin özünəməxsus yumorunu və mədəni istinadlarını fiziki məhsullara daşıdığını göstərir.
Bizi sosial şəbəkələrdən izləyin!!
