Azərbaycanda ötən il qeyri-neft sektoru 2015-ci ilə nisbətən 5% inkişaf edib. Bunu bu gün "Özəlləşdirmə sahəsində investisiyalar: yeni imkanlar və çağırışlar" mövzusunda Bakıda keçirilən konfransda çıxış edən iqtisadiyyat nazirinin müavini Niyazi Səfərov deyib.
Nazir müavini qeyd edib ki, sahibkarlara ümumilikdə 106 investisiya təşviqi sənədi verilib: "Ötən il 88-i hüquqi şəxs, 10-u isə fərdi sahibkar olmaqla, ümumilikdə 106 sahibkara investisiya təşviqi sənədi verilib. Bu təşviq sənədləri qeyri-neft iqtisadi sahələrini əhatə edir. Bu layihələrə uyğun olaraq, ümumilikdə 1 mlrd. dollardan çox investisiya yatırılması, 7 mindən çox iş yerinin açılması nəzərdə tutulur".
"Sumqayıt Kimya Sənaye Parkına da 1 mlrd. dollar sərmayə yatırılması planlaşdırılır ki, ümumilikdə 2 minə qədər yeni iş yerləri açılması nəzərdə tutulur. Hazırda Sumqayıt Kimya Sənaye Parkında 9 rezident fəaliyyət göstərir", - deyə N.Səfərov əlavə edib.
Mənbə: Report.az
