Müəllif: Tamara Mustafayeva, Banco.az
“Instagram” izləyici siyahısını gizlətmək funksiyası üzərində işləməyə başlayıb.
Banco.az xəbər verir ki, məşhur sosial media tətbiqi “Instagram” izləyici siyahısını gizlətmə xüsusiyyəti üzərində işini davam etdirir.
Platforma tezliklə istifadəçilərin öz izləyicilərini gizlədə biləcəyi bir seçim təqdim etməyi planlaşdırır.
Bildirilir ki, “Instagram” sözügedən funksiyanı istəyə uyğun edəcək, yəni istifadəçilər istədikləri zaman onu aktiv və ya deaktiv edə biləcəklər.
Hələlik rəsmi açıqlama verilmədiyi üçün yeni məxfilik xüsusiyyətinin nə vaxt istifadəyə veriləcəyi dəqiq bilinmir. Bununla belə, “Instagram”ın istifadəçi məmnuniyyətini artırmaq üçün yeni funksiyalar üzərində işləməyə davam edəcəyi şübhə doğurmur.
Bizi sosial şəbəkələrdən izləyin!!
