Azərbaycanda tətbiq olunan icbari tibbi sığorta ilə uşaqdan böyüyə qədər hər kəs əhatəlidir və sığorta çərçivəsində qarşılanan 3 300-dən çox tibbi xidmətdən ödənişsiz istifadə hüququ əldə edib.
Bunu İcbari Tibbi Sığorta üzrə Dövlət Agentliyinin sədri Zaur Əliyev Bakıda keçirilən Azərbaycan Beynəlxalq Sığorta Forumunda ("Azerbaijan International Insurance Forum" - AIIF-2024) bildirib.
O qeyd edib ki, bu xidmətlərin sayı yeni başladıqda 1 600 idi: "Sığortadan əvvəl dövlətin səhiyyə sahəsinə xərclədiyi vəsait 750 milyon manat idisə, hazırda Fondun vəsaiti 3 milyard manata yaxınlaşır. Bizim əsas məqsədimiz heç kəsin kənarda qalmadan bu sığortalardan yararlanmasıdır. Məqsəd imkanı olmayan şəxslərin tibbi ehtiyacını qarşılamaqdır".
report
Bizi sosial şəbəkələrdən izləyin!!
