Hansı banklar aktivlərindən ən yaxşı istifadə edirlər? - SİYAHI

Azərbaycanda fəaliyyət göstərən 30 bank bu ilin yanvar-sentyabr aylarını 522,7 milyon manat xalis mənfəətlə başa vurub ki, bu da onların bu il oktyabrın 1-nə malik olduqları 31 363,3 milyon manat məbləğində aktivlərin 1,7%-i qədərdir.

Ayrı-banklarda isə sözügedən nisbət fərqlidir. Belə ki, yanvar-sentyabr aylarından mənfəətlə çıxmış 23 bank arasında aktivlərindən ən yaxşı istifadə edəni "Bank of Baku" ASC olub. Bu bankın əldə etdiyi mənfəət aktivlərinin 10,8%-ni təşkil edib. Baxmayaraq ki, "Bank of Baku" aktivlərinin məbləğinə görə ölkədə 22-cidir.

Fəaliyyət effektivliyinə görə, 2-ci yeri "Unibank" ASC tutub. Bu bank ötən 9 ayda aktivlərinin 8,5%-i qədər mənfəət əldə edib. Bu arada, "Unibank" aktivlərinin məbləğinə görə, 30 bank arasında 8-ci yerdə qərarlaşıb.

Mənfəətinin aktivlərinə nisbətinə görə 3-cü yerə isə 7,4%-lik göstərici ilə "Express Bank" ASC sahib olub. Baxmayaraq ki, bu bank aktivlərinin məbləğinə görə, ölkədə 19-cudur.

Mənfəətlə işləyən qalan 20 bankda isə sözügedən göstərici 0-4,2% arasında dəyişir.

Hesabat dövründə aktivlərindən ən pis istifadə edən bank isə İran Milli Bankının Bakı filialı olub. Bu maliyyə qurumu aktivlərinin 21,6%-i qədər zərərlə üzləşib.

№	Bankın adı	Bankın 9 aylıq mənfəətinin / zərərinin aktivlərinə nisbəti
1	Bank of Baku	10,8%
2	Unibank	8,5%
3	Express Bank	7,4%
4	Bank VTB Azərbaycan	4,2%
5	Bank Avrasiya	3,6%
6	Azərbaycan Beynəlxalq Bankı	3,5%
7	Kapital Bank	2,5%
8	Naxçıvan Bank	2,1%
9	Premium Bank	1,9%
10	PAŞA Bank	1,5%
11	Bank BTB	1,3%
12	Zıraat Bank Azərbaycan	1,3%
13	Bank Respublika	1,2%
14	Rabitəbank	1,2%
15	Xalq Bank	1,1%
16	Yapı Kredi Bank Azərbaycan	0,9%
17	AFB Bank	0,8%
18	Azərbaycan Sənaye Bankı	0,7%
19	Günay Bank	0,5%
20	Azər-Türk Bank	0,2%
21	Turan Bank	0,1%
22	Atabank	0,0%
23	NBC Bank	0,0%
24	Yelo Bank	-0,4%
25	AGBank	-0,5%
26	Muğan Bank	-1,5%
27	Pakistan Milli Bankı - Bakı	-2,8%
28	Amrah Bank	-4,2%
29	Access Bank	-11,0%
30	İran Milli Bankı - Bakı	-21,6%
	Orta hesabla	1,7%