Tamara Mustafayeva, Banco.az
1. Amazon
E-ticarət nəhəngi Amazon şirkətinin ilk adı “Cadabra” idi. Ancaq bir müddət sonra bu ad “Cadaver” (“Cəsəd”) sözünü xatırlatdığı üçün dəyişdirilir. Təsisçi Ceff Bezos yeni ad üçün əlifba sırasına görə ilk pillələrdə yer alması səbəbilə A hərfi ilə başlayan ad fikirləşməyə başlayıb və hazırda dünyanın ən tanınmış şirkətlərindən biri “Amazon”un adına beləcə qərar verilib.
2. Ikea
Şirkətin adı təsisçi Ingvar Kampradın, onun doğulduğu Elmtaryd fermasının və böyüdüyü Agunnaryd kəndinin baş hərflərindən meydana gəlib.
3. P&G
Sabun istehsalçısı William Proctor ilə şam istehsalı ilə məşğul olan James Gamble 1837-ci ildə eyni ailənin iki qızı ilə evlənib qohum olduqdan sonra şərikli şirkət yaratmağa qərar verirlər. Beləliklə də P&G (Proctor&Gamble) yaranır.
4. Starbucks
Kofe nəhənginin adını ilk əvvəl Amerikalı yazıçı German Melvillin “Moby Dick” adlı romanında bəhsi keçən gəminin adı olan “Pequod” qoymağı düşünüblər. Ancaq bu ad idarə tərəfindən qəbul edilmədiyi üçün yenə həmin romanın obrazlarından biri olan “Starbuck” adı seçilir.
5. Vodafone
İngilis mənşəli telekommunikasiya nəhəngi adı ingilis dilində “Voice” (səs), “Data” (məlumat) və “Telephone” (telefon) sözlərindən yaranıb.
6. Lego
Mərkəzi ofisi Danimarkada yerləşən Lego şirkətinin adı dilimizdə “yaxşı oyna” mənasını verən “Legt Godt” birləşməsindən gəlir.
7. Coca-Cola
Tanınmış içki markası öz adını koka ağacının yarpaqları və kola fındığından alıb.
8. Nike
Dünyanın aparıcı idman geyimləri istehsalçısı Nike firmasının adı yunan mifologiyasında Zəfər Tanrısı olan “Nikea”nın adından götürülüb.
9. Adidas
1949-cu ildə təsis edilən bu günün idman nəhəngi öz adını təsisçi Adolf Dasslerin ləqəbi “Adi” ilə soyadının ilk üç hərfinin birləşməsindən alıb.
Adidas firmasının quruluş hekayəsini oxumaq üçün link-ə keçid edə bilərsiniz: https://bit.ly/3oPZC70
10. Nintendo
Yaponiyanın transmilli elektronika və video oyun şirkətinin yaponca adı “Nintendou” yerli dildə etibarlı mənasını verən “Nin” və cənnət mənasını verən “tendou” sözlərinin birləşməsindən yaranıb.
11. Volkswagen
Şirkətin adı alman dilindən tərcümədə “xalqın avtomobili” deməkdir.
12. Nikon
Tanınmış kamera və linza istehsalçısı şirkət adını “yapon optikası” mənasını verən “Nippon Kogaku” birləşməsinin qısaltmasından götürüb.
13. Pepsi
Pepsi şirkətinin adı həzm fermenti olan “Pepsin” ilə əlaqədardır.
14. Canon
Şirkətin adı təsis edildiyi zaman Buddizm dinində Mərhəmət Tanrıçası olan “Kwanon” idi. 1935-ci ildə şirkət dünyaya inteqrasiya etməyə qərar verdikdə adı dəyişdirilərək “Canon” qoyulur.
15. Nissan
Yapon Sənayesi mənasını verən “Nippon Sangyo” birləşməsinin qısaltmasıdır.
Həmçinin oxu: 2021-ci ildə ən çox müraciət ediləcək 3 dizayn tendensiyası
Bizi sosial şəbəkələrdən izləyin!!
