Müəllif: Tamara Mustafayeva, Banco.az
Dünyanın bir sıra milyarderləri sərvət baxımından ABŞ-ı geridə qoyublar.
Banco.az xəbər verir ki, ABŞ Konqresi hökumətin borclanma limitini artırmağa dair razılığa gələrkən Vaşinqtonun nağd pulu da tükənir.
Hazırda dünya üzrə 31 milyarder ötən həftənin cümə gününün sonuna olan məlumata görə, cəmi 38,8 milyard dollar vəsaiti olan ABŞ Xəzinədarlığından daha zəngindir.
Maraqlı məqam isə buradadır ki, Bloomberg Milyarderlər İndeksinə görə, aralarında “Tesla”nın baş direktoru İlon Mask, “Amazon”un qurucusu Ceff Bezos, “Microsoft”un həmtəsisçisi Bill Qeyts və “Oracle”ın həmtəsisçisi Larri Ellisonun da olduğu ümumilikdə 18 amerikalı milyarder vətənləri adlandırdıqları ölkədən daha varlıdırlar.
Xatırladaq ki, ABŞ-ın maliyyə naziri Canet Yellen 5 iyun tarixinədək borclanma limiti artırılmayacağı təqdirdə ölkənin tarixdə ilk dəfə borclarını ödəyə bilməyəcəyi barədə xəbərdarlıq edərək dünya iqtisadiyyatında şok dalğası yaradıb.
Bizi sosial şəbəkələrdən izləyin!!
