Dünya buğda istehlakının istehsaldan çox olacağı gözlənilir | Banco.az

Dünya buğda istehlakının istehsaldan çox olacağı gözlənilir

ABŞ Kənd Təsərrüfatı Departamentinin (USDA) 12 may 2022-ci il tarixində dərc etdiyi dünya taxıl bazarlarına dair əhatəli hesabata əsasən, 2022-2023-cü illər mövsümündə dünya buğda istehsalının təxminən 775 milyon ton (774,83 milyon ton) olacağı təxmin edilir.

İstehsal ötən mövsümlə müqayisədə 4 milyon ton az olacaq. İstehsalın azalmasının əsasən Ukrayna ilə bağlı olacağı gözlənilir. Hindistanın istehsalının həddindən artıq istilər səbəbindən 111 milyon ton əvəzinə 105 milyon ton olacağı hesablanır. Avropa İttifaqının istehsalında ciddi dəyişiklik gözlənilmir. Kanada və Rusiyada məhsuldarlığın yüksək olacağı və istehsalın artacağı gözləntiləri var.

Bu il Türkiyənin istehsalının artacağı gözlənilir. ABŞ-da keçən ildən daha yaxşı istehsal olacaq. Mərakeş, quraqlıq səbəbindən istehsalın təxminən 65% azalacağını açıqlayıb.

Dünyanın ən böyük buğda istehsal edən ölkələri; Avropa İttifaqı, Rusiya, ABŞ, Kanada, Ukrayna, Avstraliya, Argentina, Qazaxıstan və Ukraynadır. Bu ölkələr arasında istehsalıən çox mənfi görəcək ölkə Rusiya ilə müharibə vəziyyətində olan Ukraynadır.

İSTEHLAK İSTEHSALDAN ÇOXDUR

USDA-nın açıqladığı məlumatlara görə, dünya buğda ehtiyatlarında azalma var. 2022-2023-cü illər mövsümündə dünya buğda istehlakının 787,52 milyon ton olacağı təxmin edilir. Buğda istehlakının istehsaldan çox olması ehtiyatların daha çox istehlak deməkdir. Ehtiyat 2021-2022 mövsümündə 279 milyon ton səviyyəsində olduğu halda, 2022-2023-cü il mövsümündə 267 milyon tona qədər azalacağı təxmin edilir. Ehtiyatlarda olan buğdanın təxminən yarısı Çinin əlindədir.

Ən sərfəli kredit üçün müraciət et

Aclığın qarşısını almaq və buğda qiymətlərinin artımını azaltmaq üçün buğdanın yem məqsədləri üçün istifadəsinin azaldılması hədəflənir. Əgər yemdən istifadə azalarsa, buğda əvəzinə qarğıdalı və digər məhsullardan istifadə olunarsa, o zaman bir qədər rahatlıq nəzərdə tutula bilər.

Buğda istehsalı, istehlakı, idxalı və ixracı dünyada elə strateji mövqedədir ki, qəbul edilən hər bir qərar milyardlarla insana təsir edir. Müharibə səbəbindən Ukrayna buğdasını limanlardan ixrac edə bilmir. Bu səbəbdən Ukraynadan buğda idxal edən Afrika ölkələri böyük böhranla üzləşib. Onların ümid etdikləri Hindistanın buğda ixracına qadağa qoyması dünyanın gündəmindədir.

Marja

Bizi sosial şəbəkələrdən izləyin!!

Facebook

İnstagram

Telegram

Ən sərfəli krediti almaq üçün müraciət et