Müəllif - Fərid İslamov/Banco.az
Banco.az xəbər verir ki, Çinin Zhongzhi Enterprise investisiya fondu 60 milyard dollar borcla defolt elan edib.
1995-ci ildə qurulan Çinin ən böyük investisiya fondlarından biri olan Zhongzhi Enterprise Group konqlomeratı defolt elan edib. Şirkət investorlara göndərdiyi məktubda artıq borclarına xidmət edə bilməyəcəyini bildirib.
Audit 36,5 milyard dollar çatışmazlıq aşkar edib və konqlomeratın borcları 59-64,6 milyard dollar qiymətləndirilir. Bu məbləğ qrupun ümumi aktivlərindən iki dəfə çoxdur.
Zhongzhi Enterprise üçün vəziyyət hökumətin maliyyə bazarının tənzimlənməsini sərtləşdirməyə başladığı 2019-cu ildən bəri pisləşir. Əmlak bazarında hələ də çıxış yolu olmayan uzun sürən böhran problemləri daha da artırıb.
İyun ayında şirkətin bir neçə bölməsi artıq kreditorlara ödənişləri gecikdirirdi. Məktubda fondun rəhbərliyi onu xilas etmək üçün bir neçə dəfə cəhd etdiyini, lakin nəticəsiz qaldığını iddia edir. Şirkət əvvəllər yüksək riskli investisiyalar, o cümlədən daşınmaz əmlak sektoru ilə bağlı investisiyalar və aqressiv genişlənməyə görə tənqid edilib, lakin Çin iqtisadiyyatının böyüməsi fonunda Zhongzhi Enterprise öz siyasətindən əl çəkməyib.
