Müəllif:Ayşən İmanova/Banco.az
Yaxın üç il ərzində Çin hakimiyyəti birgə tərəfdaşlıq layihələrinin həyata keçirilməsi üçün Afrika dövlətlərinə 360 milyard yuan (50 milyard dollardan çox) məbləğində maliyyə yardımı göstərəcək.
Banco.az xəbər verir ki, bu barədə Çin prezidenti Si Cinpin bildirib.
“Çin hakimiyyəti qarşıdakı üç il ərzində Afrikaya 10 tərəfdaşlıq fəaliyyət planını həyata keçirmək üçün 360 milyard yuan maliyyə dəstəyi verəcək”, - o, Çin-Afrika Əməkdaşlıq Forumunun (FCAC) doqquzuncu sammitinin açılış mərasimində çıxışı zamanı deyib.
Qeyd edək ki, hazırda Çin Afrikanın ən böyük ticarət tərəfdaşıdır. İlin 7 ayında Çinin Afrika ilə idxal-ixrac dövriyyəsi əvvəlki illə müqayisədə 5,5 faiz artaraq 167 milyard ABŞ dollarına çatıb.
