Müəllif: Tamara Mustafayeva, Banco.az
Böyük Britaniya İrana qarşı sanksiyalar tətbiq etmək qərarına gəlib.
Banco.az xəbər verir ki, İngiltərə İranın Rusiyaya pilotsuz uçuş aparatları (PUA) təhvil verməsi səbəbiylə milli hava yolu şirkəti “Iran Air” və İran İslam Respublikası Gəmiçilik Şirkətinə (IRISL) sanksiya tətbiq etmək qərarına gəlib.
Xarici İşlər Nazirliyindən verilən yazılı açıqlamada, “İran Air” və “IRISL” şirkətlərinin Rusiyaya silah tədarükündəki rolu səbəbilə aktivlərinin dondurulacağı bildirilib.
Bildirilib ki, sözügedən qərarla “Iran Air” şirkətinin Böyük Britaniyaya və Böyük Britaniyadan birbaşa tarifli kommersiya hava xidmətləri daha da məhdudlaşdırılacaq.
Açıqlamada həmçinin sözügedən qərarda nəqliyyat sanksiyalarının da yer alacağı qeyd edilib.
Xatırladaq ki, oktyabrın 14-də Avropa İttifaqı (Aİ) da İrandan Rusiyaya PUA və raketlərin ötürülməsi əsası ilə İrandakı bəzi şəxs və təşkilatlara, o cümlədən hava yolu şirkətlərinə qarşı sanksiya tətbiq etmək qərarına gəlmişdi.
Bizi sosial şəbəkələrdən izləyin!!
